ಡೈಲಾಂಗ್ ಕಿಂಗ್ ಸಾಯಿಕುಮಾರ್ ಅಂಡ್ ಬ್ರದರ್ಸ್

| Published: Wednesday, November 9, 2011, 16:26 [IST]

ಒಂದಾನೊಂದು ಕಾಲದಲ್ಲಿ ಸಾಯಿಕುಮಾರ್ ಡೈಲಾಗ್ ನಿಂದಲೇ ಚಿತ್ರ ಓಡುತ್ತಿತ್ತು. ಅಥವಾ ಓಡಿದ ಚಿತ್ರದಲ್ಲೆಲ್ಲಾ ಅವರ ಡೈಲಾಗ್ ಜನಮೆಚ್ಚುಗೆ ಗಳಿಸಿತ್ತು ಎನ್ನಬಹುದು. ಸಾಯಿಕುಮಾರ್ ಕನ್ನಡ, ತೆಲುಗು ಚಿತ್ರರಂಗದಲ್ಲಿ ಹೆಸರು ಮಾಡಿದ್ದೇ ತಡ, ಅವರ ತಮ್ಮಂದಿರಾದ ರವಿಶಂಕರ್ ಹಾಗೂ ಅಯ್ಯಪ್ಪ ಸಿನಿಮಾ ಕ್ಷೇತ್ರಕ್ಕೆ ಪ್ರತ್ಯಕ್ಷ!

ಈ ಮೂವರು ಸಹೋದರರ ಸಂಗಮದ ಸಿನಿಮಾ ನೋಡುವ ಭಾಗ್ಯ ಕನ್ನಡಿಗರಿಗೆ ಸದ್ಯದಲ್ಲಿಯೇ ಲಭಿಸಲಿದೆ. ಸುದೀಪ್ ನಾಯಕರಾಗಿರುವ 'ವರದನಾಯಕ' ಚಿತ್ರದಲ್ಲಿ ಈ ತ್ರಿಮೂರ್ತಿಗಳ ಅಭಿನಯವಿದೆ. ಇದರಲ್ಲಿ ನಾಯಕಿ ನಿಕಿಶಾ ಪಟೇಲ್. ಪ್ರಮುಖ ಪಾತ್ರದಲ್ಲಿ ಚಿರಂಜೀವಿ ಸರ್ಜಾ ಕೂಡ ಇದ್ದಾರೆ.

ತೆಲುಗಿನಲ್ಲಿ ಜಗಪತಿ ಬಾಬು ಮತ್ತು ಗೋಪಿಚಂದ್ ಅಭಿನಯದ 'ಲಕ್ಷ್ಯಂ' ಚಿತ್ರದ ರೀಮೇಕ್ ಈ ಕನ್ನಡದ ವರದನಾಯಕ. ಕನ್ನಡದ ಅಣ್ಣಾವ್ರ ಕುಟುಂಬದ ಕುಡಿಗಳಾದ ಶಿವಣ್ಣ, ರಾಘಣ್ಣ ಮತ್ತು ಪುನೀತ್ ಒಟ್ಟಿಗೆ ನಟಿಸುವ ಭಾಗ್ಯ ಇನ್ನೂ ಕೂಡಿ ಬಂದಿಲ್ಲ. ಆದರೆ ಸಾಯಿಕುಮಾರ್ ಬ್ರದರ್ಸ್ ಅಂಡ್ ಕಂಪನಿ ಪ್ರತ್ಯಕ್ಷವಾಗಿದೆ. (ಒನ್ ಇಂಡಿಯಾ ಕನ್ನಡ)