ನಟಿ ಮೋನಿಕಾ ಬೇಡಿ ಪಂಜಾಬಿ ಚಿತ್ರರಂಗಕ್ಕೆ ರಿಎಂಟ್ರಿ

ಭೂಗತ ಪಾತಕಿ ಅಬೂ ಸಲೀಂ ಪ್ರೇಯಸಿ ಎಂದು ಬಂಧಿಸಲ್ಪಟ್ಟು ಜೈಲಿನಲ್ಲಿದ್ದ ಮೋನಿಕಾ ಬೇಡಿ ಬಿಡುಗಡೆಯ ನಂತರ ಟಿವಿ ಷೋ ಬಿಗ್ ಬಾಸ್ ಹಾಗೂ ಜಲಕ್ ದಿಕ್ಲಾಜಾ ಕಾರ್ಯಕ್ರಮಗಳಲ್ಲಿ ಭಾಗವಹಿಸಿದ್ದಳು. ಆನಂತರ ಬಾಂಗ್ಲಾ , ನೇಪಾಳಿ ಹಾಗೂ ತಮಿಳು ಚಿತ್ರರಂಗದಲ್ಲಿ ನಟಿಸಿದ್ದ ಈಕೆಗೆ ಈಗ ಪಂಜಾಬಿ ಚಿತ್ರದಲ್ಲಿ ನಟಿಸುವ ಅವಕಾಶ ಸಿಕ್ಕಿದೆ.

ತುಮ್ ಬಿನ್ ಖ್ಯಾತಿಯ ಬಾಲಿವುಡ್ ಚಿತ್ರದ ನಾಯಕ ಪಿಯಾಂಶು ಚಟರ್ಜಿ ಈ ಚಿತ್ರದ ನಾಯಕನಾಗಿ ನಟಿಸಲಿದ್ದಾರೆ. ಈಗ ತೆಳ್ಳಗೆ ಬಳಕುತ್ತಿರುವ ಮೋನಿಕಾ ಮೂಲತಃ ಪಂಜಾಬಿ. ತಮ್ಮ ರಾಜ್ಯದ ಚಿತ್ರದಲ್ಲಿ ನಟಿಸಲು ಮರಳಿ ಅವಕಾಶ ಸಿಕ್ಕಿದ್ದಕ್ಕಾಗಿ ಅವರು ಸಂತಸ ವ್ಯಕ್ತಪಡಿಸಿದ್ದಾರೆ.