Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚಿತ್ರ ನಿರ್ದೇಶನಕ್ಕೆ ಚಳಿ ಚಳಿ ತಾಳೆನು ಖ್ಯಾತಿಯ ಅಂಬಿಕಾ
ಎಂಬತ್ತರ ದಶಕದಲ್ಲಿ ಚಿತ್ರರಸಿಕರ ಮನಸೂರೆಗೊಂಡಿದ್ದ ತಾರೆ ಅಂಬಿಕಾ ಈಗ ಆಕ್ಷನ್, ಕಟ್ ಹೇಳಲು ಮುಂದಾಗಿದ್ದಾರೆ. ತನ್ನ ಸಹೋದರಿ ಹಾಗೂ ತಾರೆ ರಾಧಾ ಜೊತೆ ಅಂಬಿಕಾ ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ತನ್ನದೇ ಆದಂತಹ ಛಾಪು ಮೂಡಿಸಿದ್ದರು.
ಸಾಮಾನ್ಯವಾಗಿ ಕನ್ನಡಿಗರಿಗೆ ಅಂಬಿಕಾ ಎಂದರೆ ನೆನಪಾಗುವುದು 'ಚಕ್ರವ್ಯೂಹ' ಚಿತ್ರದ "ಚಳಿ ಚಳಿ ತಾಳೆನು ಈ ಚಳಿಯಾ..." ಎಂಬ ಮತ್ತೇರಿಸುವ ಹಾಡು. ಚಿ ಉದಯಶಂಕರ್ ಸಾಹಿತ್ಯ ಜಾನಕಿ ಮತ್ತು ಬಾಲಸುಬ್ರಹ್ಮಣ್ಯಂ ಗಾಯನಕ್ಕೆ ಅಂಬರೀಷ್ ಮತ್ತು ಅಂಬಿಕಾ ಜೀವತುಂಬಿದ್ದರು.
ಈಗಲೂ ಆ ಹಾಡನ್ನು ನೆನಪಿಸಿಕೊಂಡರೆ ಮೈಬೆಚ್ಚಗಾಗುತ್ತದೆ ಎನ್ನುತ್ತಾರೆ ಆಗಿನ ಕಾಲದ ಚಿತ್ರರಸಿಕರು. ಇರಲಿ ವಿಷಯ ಅದಲ್ಲ. ಆಕೆ ತಮಿಳು ಮತ್ತು ಮಲೆಯಾಳಂನ ದ್ವಿಭಾಷಾ ಚಿತ್ರವೊಂದನ್ನು ನಿರ್ದೇಶಿಸಲಿದ್ದಾರೆ ಎನ್ನುವುದು. ಈ ಚಿತ್ರದ ಬಗೆಗಿನ ವಿವರಗಳನ್ನು ಅಧಿಕೃತವಾಗಿ ಡಿಸೆಂಬರ್ನಲ್ಲಿ ಪ್ರಕಟಿಸಲಾಗುತ್ತದಂತೆ.
ಅಂದರೆ ಚಳಿಗಾಲದಲ್ಲೇ ತಮ್ಮ ಚೊಚ್ಚಲ ನಿರ್ದೇಶನದ ಚಿತ್ರವನ್ನು ಅಂಬಿಕಾ ಪ್ರಕಟಿಸುತ್ತಿರುವುದು ಪಡ್ಡೆಗಳ ಪಾಲಿಗೆ ಕುತೂಹಲ ಮೂಡಿಸಿದೆ. ಆದರೆ ಚಿತ್ರದಲ್ಲಿ ಚಳಿ ಚಳಿ ಹಾಡುಗಳು, ಬಿಸಿ ಬಿಸಿ ದೃಶ್ಯಗಳು ಇರುತ್ತವೋ ಇಲ್ಲವೋ ಎಂಬುದನ್ನು ತಿಳಿಯಬೇಕಾದರೆ ಡಿಸೆಂಬರ್ ತನಕ ಕಾಯಬೇಕು.
ಎರಡು ನಕ್ಷತ್ರಗಳು, ಚಲಿಸುವ ಮೋಡಗಳು, ಮೂರು ಜನ್ಮ, ಬಜಾರ್ ಭೀಮ, ಜೀವನ ಜ್ಯೋತಿ, ಚಕ್ರವ್ಯೂಹ, ಪ್ರಳಯಾಂತಕ ಎಂಬ ಸದಭಿರುಚಿಯ ಕನ್ನಡ ಚಿತ್ರಗಳಲ್ಲಿ ಅಂಬಿಕಾ ಅಭಿನಯಿಸಿದ್ದರು. ಎಂಬತ್ತರ ದಶಕದಲ್ಲಿ ಹಾಟ್ ಬೆಡಗಿ ಎನ್ನಿಸಿದ್ದ ಅಂಬಿಕಾ ನಿರ್ದೇಶಿಸಲಿರುವ ಚಿತ್ರದ ಬಗ್ಗೆ ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿದೆ.