»   » ಪುತ್ರೋತ್ಸಾಹದ ಸಂಭ್ರಮದಲ್ಲಿ ಕನ್ನಡ ಚಿತ್ರರಂಗ!

ಪುತ್ರೋತ್ಸಾಹದ ಸಂಭ್ರಮದಲ್ಲಿ ಕನ್ನಡ ಚಿತ್ರರಂಗ!

Subscribe to Filmibeat Kannada
Putrotsava in Kannada filmdom
ಕನ್ನಡ ಚಿತ್ರರಂಗದಲ್ಲೀಗ ಪುತ್ರೋತ್ಸವದ ಸಂಭ್ರಮ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಹಾಗೂ ಹ್ಯಾಟ್ರಿಕ್ ನಿರ್ದೇಶಕ ಪ್ರೇಮ್ ತಂದೆಯಾಗಿದ್ದಾರೆ.ದರ್ಶನ್ ಪತ್ನಿ ವಿಜಯಲಕ್ಷ್ಮಿ ಹಾಗೂ ಪ್ರೇಮ್ ಪತ್ನಿ ರಕ್ಷಿತಾ ಅವರ ಮಡಿಲು ತುಂಬಿದೆ. ಇಬ್ಬರೂ ತಲಾ ಒಂದೊಂದು ಗಂಡು ಕೂಸನ್ನು ಹಡೆದಿದ್ದಾರೆ.

ರಕ್ಷಿತಾ ಅವರು ಬೆಂಗಳೂರಿನ ಶಿವಾನಂದ ಸರ್ಕಲ್ ಬಳಿ ಇರುವ ದೇಸಾಯಿ ನರ್ಸಿಂಗ್ ಹೋಮ್ ನಲ್ಲಿ ಪ್ರಸೂತಿ ಶಸ್ತ್ರ ಚಿಕಿತ್ಸೆಗೆ ಒಳಗಾಗಿ ನವೆಂಬರ್ 3ರಂದು ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಪ್ರಸ್ತುತ 'ರಾಜ್-ದಿ ಶೊ ಮ್ಯಾನ್'ಚಿತ್ರೀಕರಣದಲ್ಲಿ ತಲ್ಲೀನರಾಗಿರುವ ಪ್ರೇಮ್ ರ ಸಂಭ್ರಮ ಇಮ್ಮಡಿಸಿದೆ.

ವಿಜಯಲಕ್ಷ್ನಿ ಅವರು ಅಕ್ಟೋಬರ್ 31ರಂದು ಗಂಡು ಮಗುವನ್ನು ಹಡೆದರು. ದರ್ಶನ್ ಅವರಿಗೆ ಒಂದು ಕಡೆ 'ನವಗ್ರಹ' ಚಿತ್ರ ಬಿಡುಗಡೆಯಾದ ಸಂಭ್ರಮ ಮತ್ತೊಂದು ಕಡೆ ಅದೇ ಸಮಯಕ್ಕೆ ಮಗುವಾದ ಖುಷಿ.ದರ್ಶನ್ ,ಪ್ರೇಮ್ ದಂಪತಿಗಳಿಗೆ ಹಾಗೂ ಅವರ ಕಂದಮ್ಮಗಳಿಗೆ ಶುಭವಾಗಲಿ ಎಂದು ದಟ್ಸ್ ಕನ್ನಡ ಹಾರೈಸುತ್ತದೆ.
(ದಟ್ಸ್ ಕನ್ನಡ ಚಿತ್ರವಾರ್ತೆ)

ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada