ಆಹಾ ಹೋಳಿಗೆ ತುಪ್ಪ ಬಡಿಸಲಿದ್ದಾರೆ ನಟಿ ಸ್ನೇಹಾ

ಆಹಾ ನನ್ನ ಮದುವೆಯಂತೆ ಓಹೋ ನನ್ನ ಮದುವೆಯಂತೆ ಎಂದು ಸ್ನೇಹಾ ಕುಣಿದಾಡುತ್ತಿದ್ದಾರೆ. ಮೇ 11ಕ್ಕೆ ಸ್ನೇಹಾ ತನ್ನ ಪ್ರಿಯಕರನ ಜೊತೆ ಸಪ್ತಪದಿ ತುಳಿಯಲಿದ್ದಾರೆ. ಚೆನ್ನೈನ ಶ್ರೀವಾರು ವೆಂಕಟೇಶ್ವರ ಕಲ್ಯಾಣ ಮಂಟಪದಲ್ಲಿ ಇವರಿಬ್ಬರ ಮದುವೆ ನೆರವೇರಲಿದೆಯಂತೆ.

ಪ್ರಸನ್ನ ಹಾಗೂ ಸ್ನೇಹಾ ಇಬ್ಬರೂ ಒಟ್ಟಿಗೆ ತಮಿಳಿನ 'ಅಚಮುಂಡು ಅಚಮುಂಡು' ಎಂಬ ಚಿತ್ರದಲ್ಲಿ ಅಭಿನಯಿಸಿದ್ದರು. ಆಗಲೇ ಇವರಿಬ್ಬರ ನಡುವೆ ಪ್ರೇಮ ಚಿಗುರೊಡೆದಿತ್ತು. ತಾವಿಬ್ಬರೂ ಪ್ರೀತಿಸುತ್ತಿದ್ದೇವೆ. ಶೀಘ್ರದಲ್ಲೆ ಮದುವೆಯನ್ನೂ ಮಾಡಿಕೊಳ್ಳಲಿದ್ದೇವೆ ಎಂದಿದ್ದರು ಈ ತಾರಾ ಜೋಡಿ.

ಯಾವೊನಿಗೆ ಗೊತ್ತು, ಕೊನೆಯ ಕ್ಷಣದಲ್ಲಿ ಮುಹೂರ್ತ ಬದಲಾದರೂ ಆಗಬಹುದು. ಒಟ್ಟಿನಲ್ಲಿ ಈ ಬಾರಿ ಸ್ನೇಹಾ ಮದುವೆ ಗ್ಯಾರಂಟಿ ಎನ್ನಲಾಗಿದೆ. ತನ್ನ ಬಾಯ್‌ಫ್ರೆಂಡ್ ಪ್ರಸನ್ನ ಜೊತೆ ಸ್ನೇಹಾ 'ಅಂದರ್ ಬಾಹರ್' ಆಡಿದ್ದು ಗುಟ್ಟಾಗೇನು ಉಳಿದಿರಲಿಲ್ಲ. ಈಗ ಮದುವೆ ಮೂಲಕ ಇಬ್ಬರೂ ಒಂದಾಗುತ್ತಿದ್ದಾರೆ ಅಷ್ಟೇ. (ಏಜೆನ್ಸೀಸ್)