ಚಿತ್ರ ನಿರ್ಮಾಪಕ ಕೆ ಮಂಜು ಅವರ ರು.4 ಲಕ್ಷ ದರೋಡೆ

ಕರ್ನಾಟಕ ಬ್ಯಾಂಕ್‌ ಜೆಪಿ ನಗರ ಶಾಖೆಯಿಂದ ಕೆ ಮಂಜು ಅವರ ಕ್ಯಾಶಿಯರ್ ಮುಕುಂದರಾವ್ ಹಣವನ್ನು ಡ್ರಾ ಮಾಡಿಕೊಂಡು ಬರುವ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ. ಮುಕುಂದರಾವ್ ಅವರನ್ನು ಅಡ್ಡಗಟ್ಟಿದ ಇಬ್ಬರು ದುಷ್ಕರ್ಮಿಗಳು ಅವರ ಬಳಿಯಿದ್ದ ಹ್ಯಾಂಡ್ ಬ್ಯಾಗನ್ನು ಕಸಿದುಕೊಂಡು ಪರಾರಿಯಾಗಿದ್ದಾರೆ.

ದ್ವಿಚಕ್ರವಾಹನದಲ್ಲಿ ಬಂದಿದ್ದ ದುಷ್ಕರ್ಮಿಗಳನ್ನು ಮುಕುಂದ ಅವರು ಗುರುತಿಸಲು ಸಾಧ್ಯವಾಗಿಲ್ಲ. ಕೆ ಮಂಜು ನಿರ್ಮಿಸುತ್ತಿರುವ ಲೇಟೆಸ್ಟ್ ಚಿತ್ರ 'ಶೈಲೂ' ಪೇಮೆಂಟ್‌ಗಾಗಿ ಈ ಹಣವನ್ನು ಡ್ರಾ ಮಾಡಲಾಗಿತ್ತು. ಆದರೆ ಆ ಹಣ ಕಳ್ಳರ ಪಾಲಾಗಿದೆ. ಇತ್ತೀಚೆಗೆ ಕೆ ಮಂಜು ಮನೆ ಮೇಲೆ ಆದಾಯ ತೆರಿಗೆ ದಾಳಿ ನಡೆದಿದ್ದು ನೆನಪಿರಬಹುದು. (ದಟ್ಸ್‌ಕನ್ನಡ ಸಿನಿವಾರ್ತೆ)