5 ನಿಮಿಷದಲ್ಲಿ 'ಕೆಜಿಎಫ್' ಚಿತ್ರದ 1100 ಟಿಕೆಟ್ ಸೇಲ್ ಮಾಡಿದ ಚಿತ್ರಮಂದಿರ.!

ಊರ್ವಶಿ ಚಿತ್ರಮಂದಿರದಲ್ಲಿ ಕೆಜಿಎಫ್ ಹವಾ

ಸಾಮಾನ್ಯವಾಗಿ ತಮಿಳು, ಹಿಂದಿ, ಇಂಗ್ಲೀಷ್ ಸಿನಿಮಾಗಳಲ್ಲೇ ಹೆಚ್ಚು ಪ್ರದರ್ಶನ ಮಾಡುವ ಊರ್ವಶಿ ಚಿತ್ರಮಂದಿರದಲ್ಲಿ ಕೆಜಿಎಫ್ ಸಿನಿಮಾ ಮೊದಲ ದಿನವೇ ಬಿಡುಗಡೆಯಾಗ್ತಿದೆ. ಮೊದಲ ದಿನ ಆರು ಶೋ ಪ್ರದರ್ಶನ ಮಾಡ್ತಿದ್ದು, ಈಗಾಗಲೇ ಮೂರು ಶೋಗಳು ಸೋಲ್ಟ್ ಔಟ್ ಆಗಿದೆ.

5 ನಿಮಿಷದಲ್ಲಿ 1100 ಟಿಕೆಟ್

ನಿನ್ನೆ ಊರ್ವಶಿ ಚಿತ್ರಮಂದಿರದಲ್ಲಿ ಬುಕ್ಕಿಂಗ್ ಅವಕಾಶ ಮಾಡಲಾಗಿತ್ತು. ಬುಕ್ಕಿಂಗ್ ಓಪನ್ ಆದ ಕೇವಲ 5 ನಿಮಿಷದಲ್ಲಿ 1100 ಟಿಕೆಟ್ ಸೇಲ್ ಆಗಿದೆ ಎಂದು ಸ್ವತಃ ಚಿತ್ರಮಂದಿರದವರೇ ಟ್ವಿಟ್ಟರ್ ಮೂಲಕ ಬಹಿರಂಗಪಡಿಸಿದ್ದಾರೆ. 5 ನಿಮಿಷದಲ್ಲಿ 1100 ಟಿಕೆಟ್ ಅಂದ್ರೆ, ಕೆಜಿಎಫ್ ಚಿತ್ರದ ಹವಾ ಎಷ್ಟಿರಬೇಕು ಎಂದು ಊಹಿಸಬಹುದು.

ಮೊದಲ ದಿನ 4500 ಟಿಕೆಟ್

5 ನಿಮಿಷದಲ್ಲಿ 1100 ಟಿಕೆಟ್ ಸೇಲ್ ಮಾಡಿದ್ದ ಊರ್ವಶಿ ಚಿತ್ರಮಂದಿರ ಮೊದಲ ದಿನದ ಅಂತ್ಯಕ್ಕೆ ಒಟ್ಟು 4500 ಟಿಕೆಟ್ ಮಾರಾಟ ಮಾಡಿದೆಯಂತೆ. ಈ ಚಿತ್ರಮಂದಿರದಲ್ಲಿ ಒಂದು ಟಿಕೆಟ್ ಬೆಲೆ ಪ್ಲಾಟಿನಂ 350, ಗೋಲ್ಡ್ 256, ಸಿಲ್ವರ್ 200 ರೂಪಾಯಿ.

ಭಾನುವಾರದವರೆಗೂ ಬುಕ್ಕಿಂಗ್

ಊರ್ವಶಿ ಚಿತ್ರಮಂದಿರ 4k ತಂತ್ರಜ್ಙಾನವನ್ನ ಹೊಂದಿದ್ದು, ಭಾನುವಾರದವರೆಗೂ ಕೆಜಿಎಫ್ ಚಿತ್ರದ ಬುಕ್ಕಿಂಗ್ ಗೆ ಅವಕಾಶ ಮಾಡಿಕೊಡಲಾಗಿದೆ. ಯಶ್ ಅಭಿನಯದ ಕೆಜಿಎಫ್ ಡಿಸೆಂಬರ್ 21 ರಂದು ಜಗತ್ತಿನಾದ್ಯಂತ ಐದು ಭಾಷೆಯಲ್ಲಿ ತೆರೆಕಾಣ್ತಿದೆ.