‘ಗಂಡ ಹೆಂಡತಿ’ಯಲ್ಲಿ ರವಿ ಬೆಳಗೆರೆ, ‘ಲಂಚಸಾಮ್ರಾಜ್ಯ’ದಲ್ಲಿ ಕಾಕತ್ಕರ್‌!

ಪತ್ರಿಕಾ ಮಾಧ್ಯಮದ ಇಬ್ಬರು ಸ್ನೇಹಿತರು ಕಿರುತೆರೆ ಪ್ರವೇಶಿಸಿ, ಅಲ್ಲಿಂದ ಹಿರಿತೆರೆಯಲ್ಲಿ ಮಿಂಚಲು ಹೊರಟಿದ್ದಾರೆ. ಈ ಚಿತ್ರಗಳ ಬಗ್ಗೆ ಗಾಂಧಿನಗರದಲ್ಲಿ ಸಹಜ ಕುತೂಹಲ ಕಂಡುಬಂದಿದೆ.

ಉದಯ ಮತ್ತು ಈಟಿವಿಯಲ್ಲಿ ರಾತ್ರಿ 10ಗಂಟೆಗೆ ಕ್ರೆೃಂ ಸೀರಿಯಲ್‌ಗಳು ಶುರುವಾಗುತ್ತವೆ. ಕ್ರೆೃಂ ಡೈರಿಗೆ ಹಾಯ್‌ಬೆಂಗಳೂರ್‌ನ ರವಿಬೆಳಗೆರೆ, ಕ್ರೆೃ ಸ್ಟೋರಿಗೆ ಬಾಲಕೃಷ್ಣ ಕಾಕತ್ಕರ್‌ ಸಾರಥ್ಯವಹಿಸಿದ್ದಾರೆ. ಪೈಪೋಟಿಗೆ ಬಿದ್ದವರಂತೆ ಈ ಸ್ನೇಹಿತರು ಕಾರ್ಯಕ್ರಮ ರೂಪಿಸುತ್ತಿದ್ದಾರೆ. ಪ್ರೇಕ್ಷಕರಿಗೆ ಎರಡೂ ಕಾರ್ಯಕ್ರಮಗಳು ಇಷ್ಟವಾಗಿವೆ.

ಟಿ.ಎನ್‌.ಸೀತಾರಾಂ ಅವರ ‘ಮುಕ್ತ’ ಸೀರಿಯಲ್‌ನಲ್ಲಿ ನ್ಯಾಯಾಧೀಶರ ಪಾತ್ರ ಮಾಡುವ ಮೂಲಕ ಮನೆಮಾತಾದ ರವಿಬೆಳಗೆರೆ, ಶೈಲೇಂದ್ರಬಾಬು ನಿರ್ಮಾಣದ ‘ಗಂಡ ಹೆಂಡತಿ’ ಚಿತ್ರದಲ್ಲಿ ಪೊಲೀಸ್‌ ಅಧಿಕಾರಿ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.

‘ಉಡೀಸ್‌’ ಮತ್ತು ‘ಓಂಕಾರ’ ಚಿತ್ರಗಳಿಗೆ ಈ ಹಿಂದೆ ಧ್ವನಿ ನೀಡಿದ್ದ ಬಾಲಕೃಷ್ಣ ಕಾಕತ್ಕರ್‌, ‘ಲಂಚ ಸಾಮ್ರಾಜ್ಯ’ ಚಿತ್ರದಲ್ಲಿ ವಕೀಲನ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಲೋಕಾಯುಕ್ತ ವೆಂಕಟಾಚಲ ಕ್ಲಾಪ್‌ ಮಾಡಿ ಈ ಚಿತ್ರಕ್ಕೆ ಶುಭಕೋರಿದ್ದಾರೆ. ಈ ಚಿತ್ರದ ನಿರ್ದೇಶಕರು ಬೂದಾಳ್‌ ಕೃಷ್ಣಮೂರ್ತಿ. ಮಾಸ್ಟರ್‌ ಹಿರಣ್ಣಯ್ಯ, ಸಿ.ಆರ್‌.ಸಿಂಹ, ಉಮಾಶ್ರೀ ಚಿತ್ರದ ತಾರಾಬಳಗದಲ್ಲಿದ್ದಾರೆ.

ಬೆಳಗೆರೆ ಮತ್ತು ಕಾಕತ್ಕರ್‌ ಎಂಬ ‘ಕ್ರೆೃಂ’ ಮಿತ್ರರಿಬ್ಬರ ಚಿತ್ರಬದುಕು ಜಾಸ್ತಿ ಚೆನ್ನಾಗಿರಲಿ ಎಂದರೆ, ಮಾಧ್ಯಮಕ್ಕೆ ನಷ್ಟವಾಗುತ್ತದೆ. ಹೀಗಾಗಿ ತುಸು ಚೆನ್ನಾಗಿರಲಿ ಎಂದು ಹಾರೈಸೋಣವೇ?

ಮುಖಪುಟ / ಸ್ಯಾಂಡಲ್‌ವುಡ್‌