ಚಿಂಗಾರಿ ಪ್ರೋಮೊ ಪರಿಣಾಮ: ಹೆಚ್ಚಿದ ಪ್ರೇಕ್ಷಕರ ನಿರೀಕ್ಷೆ

ಬಹುನಿರೀಕ್ಷೆಯ ಚಿಂಗಾರಿ ಚಿತ್ರತಂಡ 'ಪ್ರೋಮೊ; ಬಿಡುಗಡೆಯ ನಂತರ ಮತ್ತಷ್ಟು ನಿರಾಳವಾಗಿದೆ. ಕಾರಣ, ಚಿತ್ರದ ಪ್ರೋಮೊ, ಜನರಿಗೆ ತುಂಬಾ ಇಷ್ಟವಾಗಿದೆ. ಬಾಲಿವುಡ್ ಶೈಲಿಯಲ್ಲಿರುವ ಇದನ್ನು ನೋಡಿದ ಜನರಿಗೆ ಸಹಜವಾಗಿಯೇ ಚಿತ್ರದ ನಿರೀಕ್ಷೆ ಇನ್ನೂ ಹೆಚ್ಚಾಗಿದೆ.

ಈ ಚಿತ್ರವು ಈಗಾಗಲೇ ಸೇಲ್ ಆಗಿದೆ. ಇಡೀ ಕರ್ನಾಟಕದ ವಿತರಣೆ ಹಕ್ಕನ್ನು 'ಸನತ್ ವೆಂಚರ್ಸ್' ನ ಪ್ರಸನ್ನಕೃಷ್ಣ ಎಂಬುವರು ಪಡೆದುಕೊಂಡಿದ್ದಾರೆ. ಅಲ್ಲಿಗೆ ಕಾಸು ಕೊಟ್ಟು ಕಜ್ಜಾಯ ಖರೀದಿಸಿ ಬಡಿಸಲಿರುವ ವಿತರಕರಿಗೆ ಅದೆಷ್ಟು ಆತ್ಮವಿಶ್ವಾಸ ಈ 'ಚಿಂಗಾರಿ' ಚಿತ್ರದ ಬಗ್ಗೆ ಎಂಬುದು ಸ್ಪಷ್ಟವಾಗಿದೆ.

ಇದೇ ತಿಂಗಳು 27ಕ್ಕೆ ಚಿತ್ರ ತೆರೆಗೆ ಬರುವುದು ಪಕ್ಕಾ ಆಗಿದ್ದು, ಗಾಂಧಿನಗರದಲ್ಲಿ ಯಾವ ಚಿತ್ರಮಂದಿರದಲ್ಲಿ ಬಿಡುಗಡೆ ಎಂಬುದು ತಿಳಿಯಬೇಕಾಗಿದೆ. ಕರ್ನಾಟಕದಲ್ಲಿ ಬಿಡುಗಡೆಯಾಗುವ ಒಟ್ಟೂ ಚಿತ್ರಮಂದಿರಗಳ ಸಂಖ್ಯೆಯನ್ನು ಕೂಡ ಚಿತ್ರತಂಡ ಪ್ರಕಟಿಸಬೇಕಾಗಿದೆ. (ಒನ್ ಇಂಡಿಯಾ ಕನ್ನಡ)