ಅಮೀರ್ ಖಾನ್ ಜೊತೆ ಸೂಪರ್ ಸ್ಟಾರ್ ರಜನಿಕಾಂತ್

ಶಾರುಖ್ ಖಾನ್ ಅಭಿನಯದ ಭಾರಿ ಬಜೆಟ್ ಚಿತ್ರ 'ರಾ.ಒನ್‌'ನಲ್ಲಿ ರಜನಿಕಾಂತ್ ಅಭಿನಯಿಸಿದ್ದರು. ಈಗ ತಾನೇನು ಕಮ್ಮಿ ಎಂಬಂತೆ ಸೂಪರ್ ಸ್ಟಾರ್ ರಜನಿಕಾಂತ್ ಜೊತೆ ತ್ರಿ ಈಟಿಯಟ್ಸ್ ನಟ ಅಮೀರ್ ಕೈಜೋಡಿಸಲಿದ್ದಾರೆ. ಇವರಿಬ್ಬರೂ ಒಂದಾಗಲಿರುವುದು ಸಿನಿಮಾದಲ್ಲಲ್ಲ ಜಾಹೀರಾತಿನಲ್ಲಿ ಎಂಬುದು ವಿಶೇಷ.

ಸಾಮಾನ್ಯವಾಗಿ ಅಮೀರ್ ಖಾನ್ ಹಾಗೂ ರಜನಿಕಾಂತ್ ಜಾಹೀರಾತುಗಳಿಂದ ಗಾವುದ ದೂರ ಇರುತ್ತಾರೆ. ಆದರೆ ಇವರಿಬ್ಬರೂ ಈಗ ಒಂದೇ ಜಾಹೀರಾತಿನಲ್ಲಿ ಒಂದಾಗುತ್ತಿದ್ದಾರೆ. ಆದರೆ ಇದು ಕಮರ್ಷಿಯಲ್ ಜಾಹೀರಾತು ಅಲ್ಲ. ಅಪೌಷ್ಟಿಕತೆ ಬಗ್ಗೆ ಜಾಗೃತಿ ಮೂಡಿಸುವ ಮಹತ್ವದ ಜಾಹೀರಾತಿನಲ್ಲಿ ಇಬ್ಬರೂ ಕಾಣಿಸಿಕೊಳ್ಳಲಿದ್ದಾರೆ.

ಅಪೌಷ್ಟಿಕಗೆ ಬಗ್ಗೆ ಇವರಿಬ್ಬರೂ ದೇಶದಾಂತ್ಯದ ಸಂಚರಿಸಿ ಜಾಗೃತಿ ಮೂಡಿಸಲಿದ್ದಾರೆ. ಶೀಘ್ರದಲ್ಲೆ ಇವರಿಬ್ಬರ ಜಾಹೀರಾತು ಫಲಕಗಳು ದೇಶದಾದ್ಯಂತ ತಲೆಯೆತ್ತಲಿವೆ. ರಜನಿಕಾಂತ್ ಹಾಗೂ ಅಮೀರ್ ಖಾನ್ ಒಂದು ಒಳ್ಳೆಯ ಕೆಲಸಕ್ಕೆ ಒಂದಾಗುತ್ತಿರುವುದು ನಿಜಕ್ಕೂ ಅವರ ಅಭಿಮಾನಿಗಳ ಮುಖದಲ್ಲಿ ಸಂತಸ ತಂದಿದೆ. (ಏಜೆನ್ಸೀಸ್)