ಹೀರೋಯಿನ್, ಕ್ಯಾಬರೆ ನರ್ತಕಿಯರ ಮಧ್ಯೆ ಬಿರುಕು

ಆಕೆಯ ಸೊಂಟ ಸುರುಳಿ ನೃತ್ಯಗಳು ಆಕೆಗೆ ಒಂದು ನೆಲೆ ಕಲ್ಪಿಸದೇ ಹೋದದ್ದು ದುರದೃಷ್ಟವೇ ಸರಿ. ಆಕೆಯ ಎದೆ ಸೀಳು ಕಾಣುವಂತಹ ಬ್ಲೌಸ್ ಗಳು ಎಲ್ಲ ರಹಸ್ಯಗಳನ್ನು ಬೆಚ್ಚಗೆ ಮುಚ್ಚಿಟ್ಟುಕೊಂಡಿದ್ದವು.

ಸಿಲ್ಕ್ ಜಮಾನಾದಲ್ಲಿ ಹೀರೋಯಿನ್ ಮತ್ತು ಕ್ಯಾಬರೆ ನರ್ತಕಿಯರ ಮಧ್ಯೆ ದೊಡ್ಡ ಗೋಡೆಯೇ ನಿಂತಿತ್ತು. ಜಾತಿಯಿಂದಲೂ ಸ್ಮಿತಾ ಕೆಳ ಜಾತಿಗೆ ಸೇರಿದವರಾಗಿದ್ದರು. ಇದು ಎಲ್ಲ ರೀತಿಯ ತಾರತಮ್ಯಕ್ಕೆ ಕಾರಣೀಭೂತವಾಗಿತ್ತು.

ಒಮ್ಮೆ ಸ್ವತಃ ಸ್ಮಿತಾ ಅವರೇ ಹೇಳಿಕೊಂಡಂತೆ ಹೀರೋಯಿನ್ ಗಳು ತಾವು ಧರಿಸುತ್ತಿದ್ದ ಉಡುಪನ್ನು ಚಿತ್ರೀಕರಣದ ನಂತರ ಮನೆಗೆ ಕೊಂಡೊಯ್ಯುತ್ತಿದ್ದರು. ಆದರೆ ಸ್ಮಿತಾ ಅವುಗಳನ್ನು ತಪ್ಪದೆ ವಾಪಸ್ ಮಾಡಬೇಕಾದ ದುಃಸ್ಥಿತಿಯಿತ್ತು. ಆದರೂ ಸ್ಮಿತಾಗೆ ಉತ್ತಮ 'ಗೌರವ' ಧನ ಪ್ರಾಪ್ತಿಯಾಗುತ್ತಿತ್ತು ಎಂಬುದು ಬೇರೆ ಮಾತು.