ತುಂಬು ತೊಡೆ, ಮೃದು ಲೈಂಗಿಕತೆಯ ಮೋಹಕ ನಟಿ ಸಿಲ್ಕ್

ಈಗ ನೋಡಿ. The Dirty Picture ಆಕೆಯ ಕಥೆಯನ್ನಾದರಿಸಿದೆ ಎನ್ನುತ್ತಿದ್ದಾರೆ ಬಾಲಿವುಡ್ ಮಂದಿ. ಆದರೆ ಚಿತ್ರದಲ್ಲಿ ನಿಖರವಾಗಿ ಸಿಲ್ಕ್ ಸ್ಮಿತಾ ಹೆಸರು ಬಳಸಲು ಮುಂದಾಗುತ್ತಿಲ್ಲ. ಅಂದರೆ, ಪರೋಕ್ಷವಾಗಿ ಸಿಲ್ಕ್ ಸ್ಮಿತಾ ಹೆಸರಿನಲ್ಲಿ ಕಾಸು ಮಾಡಿಕೊಳ್ಳಲು ಮುಂದಾಗಿದ್ದಾರೆ.

ರಜನೀಕಾಂತ್, ಕಮಲ್ ಹಾಸನ್, ಚಿರಂಜೀವಿ, ಮೋಹನ್ ಲಾಲ್... ಹೀಗೆ ಎಲ್ಲ ಮಹಾಮಹಿಮರಿಗೂ ತಮ್ಮ ಚಿತ್ರಗಳಲ್ಲಿ ಸಿಲ್ಕ್ ಅತ್ಯಗತ್ಯವಾಗಿ ಬೇಕಿದ್ದ ನಟಿ. ನಿರ್ಮಾಪಕರು ಆಕೆಯ ಕಾಲ್ ಶೀಟ್ ಗಾಗಿ ತಿಂಗಾಳುನಗಟ್ಟಲೆ ದೇಹೀ ಎಂದು ಕಾಯುವ ಕಾಲವೊಂದಿತ್ತು.

ಕುತೂಹಲದ ಸಂಗತಿಯೆಂದರೆ ವರ್ಷಾನುಗಟ್ಟಲೆ ಡಬ್ಬಗಳಲ್ಲಿ ಕೊಳೆಯುತ್ತಾ ಬಿದ್ದಿದ್ದ ಅನಾಮಧೇಯ ಸಿನಿಮಾಗಳನ್ನು ಧೂಳು ಹೊಡೆದು, ಹೊರತೆಗೆಯಲಾಗುತ್ತಿತ್ತು. ಬಳಿಕ, ಸಿನಿಮಾದೊಳಕ್ಕೆ ಸಿಲ್ಕ್ ಸ್ಮಿತಾರ ಹಾಡಿನ ದೃಶ್ಯಗಳನ್ನು ತುಂಬಿ ಬಿಡಲಾಗುತ್ತಿತ್ತು. ಅಂತಹ ಸಿನಿಮಾಗಳು ಬರ್ಜರಿ ಹಿಟ್ ಎಂದು ಇಲ್ಲಿ ಬಿಡಿಸಿ ಹೇಳುವ ಜರೂರತ್ತು ಇಲ್ಲ ಅಲ್ಲವೇ?