ರಸಿಕನ ಪ್ರಗತಿ, ‘ಯಾಹೂ...’ ಸಿದ್ಧ

'ಶಾಂತಿ ಕ್ರಿಯೇಷನ್ಸ್‌" ಲಾಂಛನದಲ್ಲಿ ಜಿ. ಪ್ರಸಾದ ರೆಡ್ಡಿ ಹಾಗೂ ಡಿ. ಸಾಯೀಂದ್ರ ರೆಡ್ಡಿ ಅವರು 'ಬಾ ಬಾರೋ ರಸಿಕ..." ಎನ್ನುವ ಚಿತ್ರ ನಿರ್ಮಿಸುತ್ತಿದ್ದಾರೆ. ಚಿತ್ರದ ಮೊದಲ ಹಂತದ ಚಿತ್ರೀಕರಣ ಈಗಾಗಲೇ ಮುಗಿದಿದ್ದು , ದ್ವಿತೀಯ ಮತ್ತು ಅಂತಿಮ ಹಂತದ ಚಿತ್ರೀಕರಣ ಪ್ರಗತಿಯಲ್ಲಿದೆ.

ಬಾ ಬಾರೋ ರಸಿಕ ಎಂದು 'ರಕ್ತಕಣ್ಣೀರು "ಚಿತ್ರದಲ್ಲಿ ಕುಣಿದ ರಮ್ಯಕೃಷ್ಣ 'ಬಾ ಬಾರೋ ರಸಿಕ..." ಚಿತ್ರದಲ್ಲೂ ಕಾಣಿಸಿಕೊಳ್ಳುತ್ತಿದ್ದಾರೆ. ಪಾತ್ರ ಚಿಕ್ಕದಾದರೂ ವಿಶಿಷ್ಟವಾದದ್ದು ಎನ್ನುತ್ತಾರೆ ನಿರ್ದೇಶಕರು. ನಿರ್ಮಾಪಕರು ಕೂಡಾ ಹೌದೆನ್ನುತ್ತಾರೆ.

'ಯಾಹೂ..." ಎಂದ ಸೆನ್ಸಾರ್‌ !
ಸೀತಾರಾಮ ಕಾರಂತರ ನಿರ್ದೇಶನದ ಕುತೂಹಲಕಾರಿ ಚಿತ್ರ 'ಯಾಹೂ..." ಗೆ ಸೆನ್ಸಾರ್‌ ಮನ್ನಣೆ ದೊರೆತಿದೆ. ಚಿತ್ರ ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ. ನೈಜ ಘಟನೆಯಾಂದನ್ನು ಆಧರಿಸಿದ ಚಿತ್ರ ಎಂದು ನಿರ್ದೇಶಕ ಕಾರಂತರು ತಮ್ಮ 'ಯಾಹೂ.." ಚಿತ್ರವನ್ನು ಬಣ್ಣಿಸುತ್ತಾರೆ.

ಸೌರವ್‌, ದತ್ತಣ್ಣ , ನೀತಾ, ನೇತ್ರಾ ಸಿಂಧಿಯಾ, ಶ್ರೀವಿದ್ಯಾ, ಡಾ.ಸುರೇಶ್‌ ಶರ್ಮಾ, ಧ್ರುವ ಶರ್ಮಾ 'ಯಾಹೂ..." ಚಿತ್ರದ ಪ್ರಮುಖ ಭೂಮಿಕೆಯಲ್ಲಿದ್ದಾರೆ.