ಅಮೂಲ್ಯ ಸಹೋದರ ದೀಪಕ್ ಅರಸ್ ಮನಸಾಲಜಿ

ಮುಗ್ಧ ಸೌಂದರ್ಯದ ನಟಿ ಅಮೂಲ್ಯ ಅಭಿನಯಿಸುತ್ತಿರುವ ಚಿತ್ರ ಮನಸಾಲಜಿ. ಸಿನಿಸ್ಪರ್ಶ ಕ್ರಿಯೇಷನ್ಸ್ ಲಾಂಛನದಲ್ಲಿ ನಿರ್ಮಾಣವಾಗುತ್ತಿರುವ ಈ ಚಿತ್ರಕ್ಕೆ ಮಾತಿನ ಭಾಗದ ಚಿತ್ರೀಕರಣ ಮುಕ್ತಾಯವಾಗಿದೆ. ಎರಡು ಹಾಡುಗಳ ಚಿತ್ರೀಕರಣ ಮಾತ್ರ ಬಾಕಿಯಿದೆ. ಕಥೆ, ಚಿತ್ರಕಥೆ ಬರೆದು ನಿರ್ದೇಶನದ ಉಸ್ತುವಾರಿ ಹೊತ್ತಿರುವ ದೀಪಕ್ ಅರಸ್ ಈ ಚಿತ್ರದ ನಿರ್ಮಾಪಕರು ಹೌದು.

ದೀಪಕ್ ಅರಸ್ ಅಮೂಲ್ಯರ ಸಹೋದರ. ರಾಕೇಶ್ ಅಡಿಗ 'ಮನಸಾಲಜಿ' ನಾಯಕ. ಅಚ್ಯುತರಾವ್, ಮಂಜುನಾಥರಾಜ್ ಮುಂತಾದವರು ಈ ಚಿತ್ರದಲ್ಲಿ ಅಭಿನಯಿಸುತ್ತಿರುವ ಕಲಾವಿದರು. ಅನೂಪ್ ಸೀಳಿನ್ ಸಂಗೀತವಿರುವ ಈ ಚಿತ್ರಕ್ಕೆ ಸುಜ್ಞಾನ್ ಅವರ ಛಾಯಾಗ್ರಹಣವಿದೆ.

ಜೋನಿಹರ್ಷ ಸಂಕಲನವಿರುವ 'ಮನಸಾಲಜಿ'ಗೆ ಅಶೋಕ್ ಮದ್ದೂರು ಸಂಭಾಷಣೆ ಬರೆದಿದ್ದಾರೆ. ಮುರಳಿ ಅವರ ನೃತ್ಯ ನಿರ್ದೇಶನವಿರುವ ಈ ಚಿತ್ರದ ಹಾಡುಗಳನ್ನು ಅರಸು ಅಂತಾರೆ ಹಾಗೂ ಅಶೋಕ್ ಮದ್ದೂರು ರಚಿಸಿದ್ದಾರೆ. ಈ ಚಿತ್ರದ ಮೂಲಕ ಅಮೂಲ್ಯ ಸಹೋದರ ದೀಪಕ್ ನಿರ್ದೇಶಕರಾಗಿ ಹೊರಹೊಮ್ಮಲಿದ್ದಾರೆ.