ಕಪ್ಪು ಸುಂದರಿ ಲೈಲಾ ಮುಡಿಗೆ ಮಿಸ್ ಯೂನಿವರ್ಸ್ ಪಟ್ಟ

ಈ ವರ್ಣರಂಜಿತ ಕಾರ್ಯಕ್ರಮ ಬ್ರೆಜಿಲ್ ಸಾವೋ ಪೌಲೋದಲ್ಲಿ ನಡೆಯಿತು. ಭುವನ ಸುಂದರಿಯಾಗಿ ಆಯ್ಕೆಯಾದ ಅಂಗೋಲಾದ ಮೊದಲ ಮಹಿಳೆ ಎಂಬ ಹೆಗ್ಗಳಿಕೆಗೂ ಲೈಲಾ ಪಾತ್ರರಾಗಿದ್ದಾರೆ. ಅಂತಿಮ ಸುತ್ತಿಗೆ ಒಟ್ಟು 10 ಸುಂದರಿಯರನ್ನು ಆಯ್ಕೆ ಮಾಡಲಾಗಿತ್ತು.

ಭಾರತದ ವಾಸುಕಿ ಸುಂಕಾವಲ್ಲಿ ಅಂತಿಮ ಸುತ್ತಿನ 10 ಮಂದಿ ಸ್ಪರ್ಧಿಗಳ ಪಟ್ಟಿಯಲ್ಲಿ ಸ್ಥಾನ ಗಿಟ್ಟಿಸುವಲ್ಲಿ ವಿಫಲರಾದರು. ಮಿಸ್ ಉಕ್ರೇನ್ ಒಲೆಸ್ಯಾಸ್ಟೇಫಾಂಕೋ ಹಾಗೂ ಮಿಸ್ ಬ್ರೆಜಿಲ್ ಪ್ರೆಸಿಲ್ಲಾ ಮಚಾಂಡೋ ರನ್ನರ್‌ಆಫ್ ಪ್ರಶಸ್ತಿಗಳಿಗೆ ತೃಪ್ತಿಪಟ್ಟುಕೊಂಡರು. ಅಂದಹಾರೆ ಲೈಲಾ ಗ್ರೇಟ್ ಬ್ರಿಟನ್‌ನಲ್ಲಿ ಮ್ಯಾನೇಜ್‌ಮೆಂಟ್ ಅಧ್ಯಯನ ಮಾಡುತ್ತಿದ್ದಾರೆ. (ಏಜೆನ್ಸೀಸ್)