Don't Miss!
- News Hubballi: ರಾಜ್ಯ ಸರ್ಕಾರದ ವಿರುದ್ಧ ಭಾರೀ ಪ್ರತಿಭಟನೆ: ನೇಹಾ ನಿವಾಸಕ್ಕೆ ಶ್ರೀಗಳು, ಲಕ್ಷ್ಮಿ ಹೆಬ್ಬಾಳ್ಕರ್ ಭೇಟಿ: ಪೊಲೀಸ್ ಅಭಯ
- Technology ನಿಮ್ಮ ಬಳಿ ರೆಡ್ಮಿಯ ಈ ಫೋನ್ ಇದ್ರೆ, ಇಲ್ಲಿದೆ ನಿಮಗೆ ಗುಡ್ನ್ಯೂಸ್!
- Automobiles Mahindra: ದೊಡ್ಡ ಅಪಘಾತ ತಪ್ಪಿಸಿತು XUV700 ಕಾರಿನ ಈ ಸೇಫ್ಟಿ ಫೀಚರ್: ಎಲ್ಲರೂ ಸೇಫ್!
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Sports LSG vs CSK IPL 2024: ಐಪಿಎಲ್ನಲ್ಲಿ ಇತಿಹಾಸ ಸೃಷ್ಟಿಸಿದ ಎಂಎಸ್ ಧೋನಿ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತೆರೆಯ ಹಿಂದೆಯೂ ರಮ್ಯಾ ಅತಿ ರಮ್ಯ ನಟನೆ!
ಜಸ್ಟ್ ಮಾತ್ ಮಾತಲ್ಲಿ ಚಿತ್ರ ಶುರುವಾಗಲು ಕೆಲವೇ ನಿಮಿಷಗಳಿದ್ದವು. ಸಂತೋಷ್ ಚಿತ್ರಮಂದಿರದಲ್ಲಿ ಸೇರಿದ್ದ ದಂಡಿನಲ್ಲಿ ಅನಿಲ್ ಕುಂಬ್ಳೆ ಹಾಗೂ ಅವರ ಪತ್ನಿ ಪ್ರಮುಖ ಆಕರ್ಷಣೆ. ರಾಮ್ಗೋಪಾಲ್ ವರ್ಮಾ ಸಾದಾ ಪ್ರೇಕ್ಷಕನಷ್ಟೆ ಸಲೀಸಾಗಿ ಕೂತಿದ್ದರು. ರವಿಚಂದ್ರನ್ ಠೀವಿಯಿಂದ ಬಂದರು. ದರ್ಶನ್ ಒಂದು ಸಲ ಸುದೀಪ್ ಅವರನ್ನು ತಬ್ಬಿಕೊಂಡರು. ಇಬ್ಬರ ನಡುವೆ ಏಕವಚನದಲ್ಲೇ ಕುಶಲೋಪರಿ ನಡೆಯಿತು. ಜಸ್ಟ್ ಮಾತ್ ಮಾತಲ್ಲಿ' ತೆರೆಮೇಲೆ ಮೂಡುವ ಮೊದಲು ಸುದೀಪ್ ಮಾತನ್ನೂ ಆಡಿದರು. ಅದನ್ನು ಕೇಳಿಸಿಕೊಳ್ಳದೆ ಇಂಗ್ಲಿಷ್ ಜರ್ನಲಿಸ್ಟುಗಳಿಗೆ ಪಾಪ್ಕಾರ್ನ್ ಹಂಚುತ್ತಿದ್ದ ಹೊಸ ನಟಿಯರೂ ಅಲ್ಲಿದ್ದರು.
ಇಷ್ಟೆಲ್ಲಾ ಆಗುತ್ತಿರುವಾಗಲೇ ಇಂಗ್ಲಿಷ್ ಪತ್ರಕರ್ತರ ಮೊಬೈಲ್ನಲ್ಲಿ ಮೆಸೇಜೊಂದು ಕಿಂಕಿಣಿಸಿತು. ಅದು ರಮ್ಯಾ ಕಳಿಸಿದ್ದು. ಅರ್ಥಾತ್ ಜಸ್ಟ್ ಮಾತ್ ಮಾತಲ್ಲಿ' ನಾಯಕಿ ರಮ್ಯಾ ಕಳಿಸಿದ್ದು. ಕೆಲವು ಕ್ಷಣಗಳಲ್ಲಿ ತೆರೆಯ ಮೇಲೆ ಕಾಣಿಸಬೇಕಿದ್ದ ರಮ್ಯಾ, ಎಲ್ಲೋ ತೆರೆಯ ಹಿಂದೆ ಕೂತು ಮೇಸೇಜು ಕಳಿಸಿದ್ದರು. ಜಸ್ಟ್ ಮಾತ್ ಮಾತಲ್ಲಿ ಈಸ್ ಎ ರೀಮೇಕ್ ಆಫ್ ಜಬ್ ವಿ ಮೆಟ್' ಎಂಬುದೇ ಆ ಸಾಲು.
ಮರುದಿನ ಟಿವಿ ವಾಹಿನಿಗಳಲ್ಲಿ ಇದೇ ರಮ್ಯಾ ಕೂತು ಜಸ್ಟ್ ಮಾತ್ ಮಾತಲ್ಲಿ ಹಾಗಿದೆ... ಹೀಗಿದೆ' ಎಂದೆಲ್ಲಾ ಮಾತಾಡುತ್ತಾ, ಕೃತಕ ನಗು ತುಳುಕಿಸಿದರು. ಎದುರು ಕೂತಿದ್ದ ಸುದೀಪ್ ಮುಖದಲ್ಲೂ ನಗುವಿತ್ತು. ಇಬ್ಬರೂ ಹಿಂದೆ ಜಗಳವಾಡಿಕೊಂಡಿದ್ದನ್ನು ಮರೆತಂತೆ ಮಾತಾಡಿದರು ಅಥವಾ ಮರೆತವರಂತೆ ನಟಿಸಿದರು. ಅದಾದ ಮೇಲೆ ಇಂಗ್ಲಿಷ್ ಪತ್ರಕರ್ತರಿಗೆ ರಮ್ಯಾ ಅದೇನೆಂದು ಮೆಸೇಜ್ ಕಳುಹಿಸಿದರೋ, ಗೊತ್ತಿಲ್ಲ.
ನಟನೆ ತೆರೆಮೇಲಷ್ಟೇ ಅಲ್ಲ, ತೆರೆಯ ಹಿಂದೆಯೂ ನಡೆಯುತ್ತಿರುತ್ತದೆ ಅನ್ನುವ ದೊಡ್ಡವರ ಮಾತನ್ನು ಸಾಕಾರ ಮಾಡಿದ ರಮ್ಯಾ ಆಮೇಲೆ ಮತ್ತೆ ನಕ್ಕಿದ್ದು ಗಣೇಶ ಕಾಸರಗೋಡು ಶಂಕರ್ನಾಗ್ ಬಗ್ಗೆ ಬರೆದ ಪುಸ್ತಕ ಬಿಡುಗಡೆ ಮಾಡುವಾಗ. ಇದೇ ಗಣೇಶ್ಗೆ ಸುದ್ದಿಗೋಷ್ಠಿಯಿಂದ ಎದ್ದು ಆಚೆಹೋಗಿ ಎಂದು ಕೆಲವೇ ತಿಂಗಳ ಹಿಂದೆ ಹೇಳಿದ್ದೂ ಇದೇ ರಮ್ಯಾ.
ನಟನೆ ಎಷ್ಟು ರಮ್ಯವಾಗಿದೆಯಲ್ಲವೇ?