ಕಳಚಿದ ಗೆಜ್ಜೆ : ಸಿನಿನೃತ್ಯ ನಿರ್ದೇಶಕ ಉಡುಪಿ ಜಯರಾಂ ನಿಧನ

ಬೆಂಗಳೂರು : ಕನ್ನಡ ಚಿತ್ರೋದ್ಯಮದ ಪ್ರಸಿದ್ಧ ನೃತ್ಯ ನಿರ್ದೇಶಕ ಉಡುಪಿ ಜಯರಾಂ ಅ.13ರ ಬುಧವಾರ ಚೆನ್ನೈನಲ್ಲಿ ಹೃದಯಾಘಾತದಿಂದ ನಿಧನರಾದರು. ಅವರಿಗೆ 55 ವರ್ಷ ವಯಸ್ಸಾಗಿತ್ತು .

ಕನ್ನಡ, ತಮಿಳು, ಒರಿಯಾ, ತೆಲುಗು ಸೇರಿದಂತೆ ವಿವಿಧ ಭಾಷೆಗಳ 500ಕ್ಕೂ ಹೆಚ್ಚು ಚಿತ್ರಗಳಿಗೆ ಉಡುಪಿ ಜಯರಾಂ ನೃತ್ಯ ನಿರ್ದೇಶನ ಮಾಡಿದ್ದರು. ವರನಟ ರಾಜ್‌ಕುಮಾರ್‌, ವಿಷ್ಣು , ಅಂಬರೀಷ್‌ ಸೇರಿದಂತೆ ಕನ್ನಡದ ಬಹುತೇಕ ಹಿರಿಯ ನಟರ ಚಿತ್ರಗಳಿಗೆ ಜಯರಾಂ ನೃತ್ಯ ನಿರ್ದೇಶಿಸಿದ್ದಾರೆ.

ಜಯರಾಂ ನೃತ್ಯ ನಿರ್ದೇಶಿಸಿದ ರಾಜ್‌-ಜಯಪ್ರದಾ ಅಭಿನಯದ ಸನಾದಿ ಅಪ್ಪಣ್ಣ ಹಾಗೂ ಕವಿರತ್ನ ಕಾಳಿದಾಸ ಚಿತ್ರಗಳು ದಾಖಲೆ ಪ್ರದರ್ಶನ ಕಂಡಿವೆ.