ಮಾನಸ ಸರೋವರ ನಟ ರಾಮಕೃಷ್ಣ ಫ್ರಾನ್ಸ್‌ಗೆ ಶಿಫ್ಟ್

ಇತ್ತೀಚೆಗೆ ಹೆಚ್ಚಿನ ಪೋಷಕ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುವವರಲ್ಲಿ ಮುಂಚೂಣಿಯಲ್ಲಿರುವ ನಟ ರಾಮಕೃಷ್ಣ ಸದ್ಯ ಫ್ರಾನ್ಸ್‌ನಲ್ಲಿದ್ದಾರೆ. ಹಾಗಂತ ಅವರು ಅಲ್ಲಿಗೆ ಶೂಟಿಂಗ್‌ಗೆ ಹೋಗಿರಬಹುದು ಎಂದುಕೊಳ್ಳಬೇಡಿ. ಅಲ್ಲಿ ಅವರ ಮಗ ಅಕ್ಷಿತ್ ಇದ್ದಾನೆ.

ಯುಎಸ್‌ನಲ್ಲಿ ಎಂಜಿನಿಯರಿಂಗ್ ಮುಗಿಸಿ, ಅಲ್ಲಿಂದ ಫ್ರಾನ್ಸ್‌ನಲ್ಲಿ ಕೆಲಸ ಗಿಟ್ಟಿಸಿಕೊಂಡಿರುವ ಅಕ್ಷಿತ್ ಮನೆಗೆ ಹೋಗಿದ್ದಾರೆ ರಾಮಕೃಷ್ಣ. ಹೀಗಾಗಿ ಅವರು ಇತ್ತೀಚಿನ ಯಾವುದೇ ಚಿತ್ರದಲ್ಲೂ ಪಾತ್ರ ಮಾಡುತ್ತಿಲ್ಲ. ಅವರ ಮಕ್ಕಳಾದ ಅಕ್ಷಿತ್ ಮತ್ತು ಅಮೃತ್ ಎಂಜಿನಿಯರಿಂಗ್ ವಿದ್ಯಾರ್ಥಿಗಳು.

ಅಣ್ಣ ಅಕ್ಷಿತ್‌ಗೆ ಫ್ರಾನ್ಸ್‌ನ ಮಲ್ಟಿನ್ಯಾಷನಲ್ ಕಂಪನಿಯೊಂದರಲ್ಲಿ ದೊಡ್ಡ ಕೆಲಸ ಸಿಕ್ಕಿದೆ. ಅಮೃತ್ ಈಗ ಎಂಜಿನಿಯರಿಂಗ್ ಓದುತ್ತಿದ್ದಾನೆ. ಹಾಗಂತ ಅವರು ಸಿನಿಮಾಗಳಲ್ಲಿ ಅವಕಾಶ ಇಲ್ಲ ಎಂಬ ಕಾರಣಕ್ಕೆ ಅಲ್ಲಿಗೆ ಹೋಗಿಲ್ಲವಂತೆ. ಮಗನ ಜೊತೆ ಒಂದಷ್ಟು ತಿಂಗಳು ಇದ್ದುಬರಲು ಹೋಗಿದ್ದಾರೆ. ಅವರು ಭಾರತಕ್ಕೆ ಬರುವುದು ತಿಂಗಳಂತೂ ಆಗುತ್ತದೆ. (ಏಜೆನ್ಸೀಸ್)