ಗುರುವಾಯೂರಿನಲ್ಲಿ ನಯನತಾರಾ ಪ್ರಭು ದೇವ

ಭಾರತದ ನಾಲ್ಕನೆ ಅತಿದೊಡ್ಡ ದೇವಾಲಯ ಕೇರಳದ ಗುರುವಾಯೂರು ಶ್ರೀಕೃಷ್ಣ ಮಂದಿರದಲ್ಲಿ ನಟ ಪ್ರಭುದೇವ ತನ್ನ ಗರ್ಲ್‌ಫ್ರೆಂಡ್ ನಯನತಾರಾ ಜೊತೆ ಆಗಮಿಸಿ ವಿಶೇಷ ಪೂಜೆ ನೆರವೇರಿಸಿದರು. ಪ್ರಭುದೇವ ವಿಶೇಷ ಪೂಜೆಯಲ್ಲಿ ತಲ್ಲೀನರಾಗಿದ್ದರೆ ನಯನತಾರಾ ದೇವಾಲಯದ ಹೊರಗೆ ಕಾರಿನಲ್ಲೇ ಕಾದು ಕುಳಿತಿದ್ದರು.

ಬುಧವಾರ (ಜು.13)ರ ಬೆಳಗ್ಗೆ 7.20ಕ್ಕೆ ಶ್ರೀಕೃಷ್ಣನಿಗೆ ಪ್ರಭುದೇವ ವಿಶೇಷ ಪೂಜೆ ಸಲ್ಲಿಸಿದ್ದಾರೆ. ದೇವಾಲಯದ ಗರ್ಭಗುಡಿಯಲ್ಲಿ ಸುಮಾರು 15 ನಿಮಿಷಗಳ ಕಾಲ ಪ್ರಭುದೇವ ದೇವರಲ್ಲಿ ಬೇಡಿಕೊಂಡಿದ್ದಾಗಿ ಮೂಲಗಳು ತಿಳಿಸಿವೆ.

ಅನ್ಯ ಧರ್ಮೀಯರಿಗೆ ದೇವಾಲಯದಲ್ಲಿ ಪ್ರವೇಶ ನಿರಾಕರಿಸಿರುವ ಕಾರಣ, ನಯನತಾರಾ ಮಂದಿರದ ಒಳಗೆ ಪ್ರವೇಶಿಸಲಿಲ್ಲ ಎನ್ನಲಾಗಿದೆ. ಹಾಗಾಗಿ ಪ್ರಭುದೇವ ಒಬ್ಬರೆ ಪೂಜೆ ಮಾಡಿಸಿಕೊಂಡು ಪ್ರಸಾದ ತೆಗೆದುಕೊಂಡು ಬಂದಿದ್ದಾರೆ. (ಏಜೆನ್ಸೀಸ್)