ಶಿವಣ್ಣನ ಜೊತೆ ಛಾನ್ಸ್ ಗಿಟ್ಟಿಸಿದ ರಾಗಿಣಿ ದ್ವಿವೇದಿ

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರ ಮುಂದಿನ ಚಿತ್ರ 'ಶಿವ'. ಈ ಚಿತ್ರಕ್ಕೆ ನಾಯಕಿಯಾಗಿ ರಾಗಿಣಿ ದ್ವಿವೇದಿಯನ್ನು ಆಯ್ಕೆ ಮಾಡಲಾಗಿದೆ. ರೂಪದರ್ಶಿಯೂ ಆಗಿರುವ ರಾಗಿಣಿ ಅಭಿನಯದ 'ಕೆಂಪೇಗೌಡ' ಚಿತ್ರ ಯಶಸ್ವಿಯಾಗಿ ಪ್ರದರ್ಶನ ಕಾಣುತ್ತಿದೆ. ಈಗ ಶಿವಣ್ಣನ ಜೊತೆ ನಟಿಸುವ ಚಾನ್ಸ್ ಸಿಕ್ಕಿದೆ.

ಓಂ ಪ್ರಕಾಶ್ ರಾವ್ ಆಕ್ಷನ್, ಕಟ್ ಹೇಳುತ್ತಿರುವ ಈ ಚಿತ್ರ ಜೂನ್‌ನಲ್ಲಿ ಸೆಟ್ಟೇರಲಿದೆ. ಬರೋಬ್ಬರಿ 11 ವರ್ಷಗಳ ಬಳಿಕ ಶಿವರಾಜ್ ಕುಮಾರ್ ಮತ್ತು ಓಂ ಕಾಂಬಿನೇಷನ್‌ನಲ್ಲಿ ಬರುತ್ತಿರುವ ಚಿತ್ರ. ತಮ್ಮ ವೃತ್ತಿ ಜೀವನದಲ್ಲಿ ಇದೇ ಮೊದಲ ಬಾರಿಗೆ ಜಾಕಿಯಾಗಿ ಶಿವಣ್ಣ ಈ ಚಿತ್ರದಲ್ಲಿ ಕಾಣಿಸಲಿರುವುದು ವಿಶೇಷ.

ಸಾಹಸಪ್ರಧಾನವಾದ ಈ ಚಿತ್ರದ ಅಬ್ಬಾಸ್ ಮಸ್ತಾನ್ ಅವರ 'ರೇಸ್'ಚಿತ್ರದ ನೆರಳಿದೆಯಂತೆ. ಚಿತ್ರಕತೆ ಹಲವಾರು ತಿರುವುಗಳಿದ್ದು ಕುತೂಹಲಭರಿತವಾಗಿ ಸಾಗುತ್ತದೆ ಎನ್ನುತ್ತಾರೆ ಚಿತ್ರದ ನಿರ್ಮಾಪಕ ಶ್ರೀಕಾಂತ್. ಸತ್ಯ ಹೆಗಡೆ ಅವರ ಛಾಯಾಗ್ರಹಣ ಚಿತ್ರಕ್ಕಿದೆ. (ದಟ್ಸ್‌ಕನ್ನಡ ಸಿನಿವಾರ್ತೆ)