twitter
    For Quick Alerts
    ALLOW NOTIFICATIONS  
    For Daily Alerts

    ಸ್ಯಾಂಡಲ್ ವುಡ್ ಗೆ ಬಾಲಿವುಡ್ ಶೆಹೆನ್ ಷಾ ಅಮಿತಾಬ್?

    By Prasad
    |

    Will Amitabh act in a Kannada movie?
    ಭಾರತೀಯ ಚಿತ್ರರಂಗದ ಭೀಷ್ಮ ಅಮಿತಾಬ್ ಬಚ್ಚನ್ ಕನ್ನಡ ಚಿತ್ರಕ್ಕಾಗಿ ಮತ್ತೊಮ್ಮೆ ಬಣ್ಣ ಹಚ್ಚಲಿದ್ದಾರೆಯೇ? ಸ್ಯಾಂಡಲ್ ವುಡ್ ನ ಹೆಡ್ ಆಫೀಸ್ ಗಾಂಧಿನಗರದ ಗಲ್ಲಿಗಲ್ಲಿಗಳಲ್ಲಿ ಈ ಮಾತಂತೂ ಸುಯ್ದಾಡುತ್ತಿದೆ. ಬಚ್ಚನ್ ಸಾಬ್ ಮತ್ತೆ ಕನ್ನಡದಲ್ಲಿ ನಟಿಸಿದ್ದೇ ಆದರೆ ಅದು ಅವರ ಕನ್ನಡದ ಎರಡನೇ ಚಿತ್ರ.

    ನಮ್ಮ ಕಲಾಸಾಮ್ರಾಟ್ ಎಸ್ ನಾರಾಯಣ್ ಅವರ ಪುತ್ರರತ್ನ ಪಂಕಜ್ ಮುಖ್ಯ ಭೂಮಿಕೆಯಲ್ಲಿರುವ 'ಮರೆಯಲಾರೆ' ಚಿತ್ರದಲ್ಲಿ ಅಮಿತಾಬ್ ನಟಿಸಲಿದ್ದಾರೆನ್ನುವುದು ಚಿತ್ರತಂಡದ ಹೇಳಿಕೆ. ಚಿತ್ರದ ನಿರ್ಮಾಪಕ ಶಿವಾನಂದ ಮಾದಸೆಟ್ಟಿ, ಇತ್ತೀಚಿಗೆ ಬಿಡುಗಡೆಗೊಂಡ 12 ತಾಸಿನಲ್ಲಿ ಚಿತ್ರೀಕರಣಗೊಂಡು ಗಿನ್ನಿಸ್ ದಾಖಲೆ ನಿರ್ಮಿಸಿದ ಪೊಲೀಸ್ ಸ್ಟೋರಿ 3 ಚಿತ್ರದ ನಿರ್ಮಾಪಕರು.

    ಕ್ಯಾಮೆರಾಮನ್ ಆಗಿ ಕೆಲಸ ಮಾಡಿದ್ದ ಸೆಲ್ವ ಅವರ ಚೊಚ್ಚಲ ನಿರ್ದೇಶನದ ಚಿತ್ರವಿದು. ಅಮಿತಾಬ್ ಚಿತ್ರದಲ್ಲಿ ನಟಿಸಲಿರುವುದರಿಂದ ಚಿತ್ರ ರಾಷ್ಟ್ರ ಮಟ್ಟದಲ್ಲಿ ಹೆಸರಾಗುತ್ತದೆ ಮತ್ತು ಬಿಗ್ ಬಿ ಚಿತ್ರದಲ್ಲಿ ನಟಿಸುತ್ತಿರುವುದು ನಮ್ಮ ಭಾಗ್ಯವೇ ಸರಿ ಅನ್ನುತ್ತಾರೆ ನಿರ್ಮಾಪಕ ಶಿವಾನಂದ ಮಾದಸೆಟ್ಟಿ.

    ಈ ಹಿಂದೆ ಧ್ಯಾನ್ ಮತ್ತು ರಮ್ಯಾ ಪ್ರಮುಖ ಭೂಮಿಕೆಯಲ್ಲಿದ್ದ 'ಅಮೃತಧಾರೆ' ಚಿತ್ರದಲ್ಲಿ ಅಮಿತಾಬ್ ಅತಿಥಿಯಾಗಿ ನಟಿಸಿದ್ದರು. ಕ್ಯಾನ್ಸರ್ ಪೀಡಿತ ನಾಯಕಿಯ ಜೀವನದ ದೊಡ್ಡ ಬಯಕೆಯಂತೆ ನಾಯಕ ನಾಯಕಿಯನ್ನು ಅಮಿತಾಬ್ ಅವರನ್ನು ಒಮ್ಮೆ ಭೇಟಿ ಮಾಡುವ ಸನ್ನಿವೇಶದಲ್ಲಿ ಅವರು ಸುಮಾರು ಮೂರು ನಿಮಿಷಗಳಷ್ಟು ತೆರೆಯಲ್ಲಿ ಕಾಣಿಸಿಕೊಂಡಿದ್ದರು. ಚಿತ್ರ ಸೂಪರ್ ಹಿಟ್ ಆಗಿತ್ತು.

    ವೀರು, ಚೈತ್ರದ ಚಂದ್ರಮ, ಚೆಲುವಿನ ಚಿಲಿಪಿಲಿ, ದುಷ್ಟ ಚಿತ್ರದ ನಂತರ ಪಂಕಜ್ ನಾರಾಯಣ್ ಅವರ ಐದನೇ ಚಿತ್ರವಿದು. ಈ ನಾಲ್ಕೂ ಚಿತ್ರಗಳಿಂದ ನಿರ್ಮಾಪಕರ ಕಿಸೆ ಖಾಲಿಯೂ ಆಗಲಿಲ್ಲ ತುಂಬಲೂ ಇಲ್ಲ. ಅಮಿತಾಬ್ ಈ ಚಿತ್ರದಲ್ಲಿ ನಟಿಸುತ್ತಾರಾ? ಕನ್ನಡಿಗರಿಗೆ ಮತ್ತೊಮ್ಮೆ 'ಮರೆಯಲಾರದ' ಅನುಭವ ನೀಡುವರಾ?

    English summary
    If everything goes well as desired bollywood Shehenshah Amitabh Bachchan will act in Kannada movie Mareyalare produced by Shivanand Madashetty. Amitabh had appeared as guest in Nagathihalli chandrashekhar's Amrutadhare. Pankaj Narayan is in the lead.
    Friday, July 15, 2011, 12:36
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X