Don't Miss!
- News ಬಿಸಿಲಿನ ಶಾಖಕ್ಕೆ ಬೇಸತ್ತು ಎಸಿ ಹೆಲ್ಮೆಟ್ ಮೊರೆಹೋದ ಟ್ರಾಫಿಕ್ ಪೊಲೀಸರು-ಎಲ್ಲಿ?
- Lifestyle ಸೌರಮಂಡಲದಲ್ಲಿದೆ 9ನೇ ಗ್ರಹ..! ಯಾವುದದು..? ಎಲ್ಲಿದೆ..?
- Automobiles ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕನ್ನಡಕ್ಕೆ ಅಪ್ರತಿಮ ಸುಂದರಿ ಕ್ಲಾಡಿಯಾ ಸೀಸ್ಲ
ಅಪ್ರತಿಮ ಸುಂದರಿ, ಜರ್ಮನಿ ರೂಪದರ್ಶಿ ಮತ್ತು ಪೋಲಂಡ್ ಭಾಷೆಯ ಗಾಯಕಿ ಕ್ಲಾಡಿಯಾ ಸೀಸ್ಲ ಕನ್ನಡಕ್ಕೆ ಬರುತ್ತಿದ್ದಾರೆ. ಆಕೆ ನಟಿಸಲಿರುವ ಚಿತ್ರದ ಹೆಸರು 'ಪ್ರೈವೇಟ್ ನಂಬರ್'. ಮೇ.16ರ ಅಕ್ಷಯ ತೃತೀಯದಂದು ಚಿತ್ರ ಬೆಂಗಳೂರಿನಲ್ಲಿ ಸೆಟ್ಟೇರಲಿದೆ. ಸದಾ ಬಿಕಿನಿಯಲ್ಲಿ ಬಳುಕುವ ಈ ಸುಂದರಿ ಇತ್ತೀಚೆಗೆ ಭಾರತೀಯ ಸೀರೆ, ಒಡವೆಗಳನ್ನು ತೊಟ್ಟು ಕಂಗೊಳಿಸಿದ್ದೂ ಉಂಟು.
ಕೆ ಗಣೇಶ್ ಶೆಟ್ಟಿ ಅವರು ಎಂ ಕೆ ಸಿನಿ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಮುಂಬೈ ಮೂಲದ ಆನಂದ್ ಕುಮಾರ್ ಚಿತ್ರದ ನಿರ್ದೇಶಕರು. ಹೊಸಬ ಪ್ರೀತಂ ಚಿತ್ರದ ನಾಯಕ ನಟ. ಮಾಜಿ ಮಿಸ್ ಇಂಡಿಯಾ ನೀಹಾರಿಕಾ ಸಿಂಗ್ ಚಿತ್ರದ ನಾಯಕಿ. ಕ್ಲಾಡಿಯಾ ಸೀಸ್ಲ ಅವರದು ಹಾಗೆ ಬಂದು ಹೀಗೆ ಹೋಗುವ ಅತಿಥಿ ಪಾತ್ರ.
ತಮ್ಮ ಹದಿನೈದನೇ ವಯಸ್ಸಿಗೇ ಕ್ಲಾಡಿಯಾ ರೂಪದರ್ಶಿಯಾಗಿದ್ದರು. ಬಿಕಿನಿ ತೊಟ್ಟು ಹಲವಾರು ಫ್ಯಾಷನ್ ಶೋಗಳಲ್ಲಿ ಬೆಕ್ಕಿನ ಹೆಜ್ಜೆ ಹಾಕಿದ ಅನುಭವಿದೆ. 'ಬೀಚ್ ಹೌಸ್' ಆಕೆ ಅಭಿನಯಿಸಿದ ಮೊದಲ ಚಿತ್ರ. ಬಿಗ್ ಬಿ ಅಮಿತಾಬ್ ಬಚ್ಚನ್ ಜೊತೆ ಕಿರುತೆರೆಯ ಜನಪ್ರಿಯ ರಿಯಾಲಿಟಿ ಶೋ 'ಬಿಗ್ ಬಾಸ್'(ಸೀಸನ್ 3)ನಲ್ಲಿ ಕಾಣಿಸಿಕೊಂಡ ಬಳಿಕ ಆಕೆ ಮತ್ತಷ್ಟು ಜನಪ್ರಿಯರಾದರು.
ಬಾಲಿವುಡ್ ನ 'ಕರ್ಮ' ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಈಕೆಯ ತಂದೆ ಪೋಲೆಂಡ್ ನವರಾದರೆ ತಾಯಿ ಜರ್ಮನಿಯವರು. ಒಂದು ರೀತಿಯಲ್ಲಿ ಇವರ ಕುಟುಂಬ ಆಸ್ಟ್ರೇಲಿಯಾ, ಹಂಗೇರಿ ಮತ್ತು ಜೆಕ್ ದೇಶಗಳ ಸಮ್ಮಿಲದಂತೆ. ಈಕೆಗೆ ಇಬ್ಬರು ಸಹೋದರಿಯರಿದ್ದಾರೆ. ಒಟ್ಟಿನಲ್ಲಿ ಅಕ್ಷಯ ತೃತೀಯದಂದು ಈಕೆ ಕನ್ನಡಕ್ಕೆ ಮಹಾಲಕ್ಷ್ಮಿಯಂತೆ ಅಡಿಯಿಡುತ್ತಿದ್ದಾರೆ.