ಶಿಷ್ಯ ದೀಪಕ್ ಚಿತ್ರ ಮಾಗಡಿ ಬಿಡುಗಡೆಗೆ ಸಿದ್ಧ

ಉಲ್ಲಾಸ್ ಕ್ರಿಯೇಷನ್ಸ್ ಅವರ ಮಾಗಡಿ ಚಿತ್ರ ನಾಳೆ (ಮಾರ್ಚ್ 16, 2012) ರಾಜ್ಯಾದ್ಯಂತ ತೆರೆಕಾಣಲಿದೆ. ಭಾ ಮ ಹರೀಶ್ ಹಾಗೂ ಬಿ ಎಂ ದಿವಾಕರ್ ಗೌಡ ನಿರ್ಮಾಣ ಹಾಗೂ ಕೆ ಸುರೇಶ್ ಗೋಸ್ವಾಮಿ ನಿರ್ದೇಶನ ಮಾಗಡಿ ಚಿತ್ರಕ್ಕಿದೆ. ಈ ಚಿತ್ರ 60 ಕ್ಕಿಂತ ಹೆಚ್ಚು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.

ಭಾ ಮ ಹರೀಶ್ ಸಂಬಂಧಿ ಹಾಗೂ ಶಿಷ್ಯ ಖ್ಯಾತಿಯ ದೀಪಕ್ ಈ ಚಿತ್ರದ ನಾಯಕ. ನಾಯಕಿಯಾಗಿ ರಕ್ಷಿತಾ ನಟಿಸಿದ್ದಾರೆ. ರಾಜೇಶ್ ರಾಮನಾಥ್ ಸಂಗೀತ, ಎಸ್ ರಮೇಶ್ ಛಾಯಾಗ್ರಹಣ ಮಾಗಡಿ ಚಿತ್ರಕ್ಕಿದೆ. ಎನ್ ಎಂ ವಿಶ್ವ ಸಂಕಲನಕಾರರು. ಎಂ ಎನ್ ಕೆ ಮೂವೀಸ್ ಈ ಚಿತ್ರದ ಹಂಚಿಕೆ ಹಕ್ಕು ಪಡೆದಿದೆ.

ನಾಳೆ ಬಿಡುಗಡೆಯಾಗಲಿರುವ ಈ ಚಿತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆಯಿದೆ. ಕಾರಣ ತಿಂಗಳ ಹಿಂದೆ ನಡೆದಿದ್ದ ಆಡಿಯೋ ಬಿಡುಗಡೆಗೆ ಜನಸಾಗರವೇ ನೆರೆದಿತ್ತು. ನಿರ್ಮಾಪಕರಿಬ್ಬರೂ ಆಗಿನಿಂದಲೇ ತಮ್ಮ ಚಿತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆ ಹೊಂದಿದ್ದಾರೆ. ಪ್ರಚಾರ ಕಾರ್ಯವೂ ಸಾಕಷ್ಟು ಬಿರುಸಿನಿಂದಲೇ ನಡೆಯುತ್ತಿದೆ. (ಒನ್ ಇಂಡಿಯಾ ಕನ್ನಡ)