ಕಠಾರಿ ವೀರ ಉಪೇಂದ್ರನಿಗೆ ಸುರಸುಂದರಾಂಗಿ ನಾಯಕಿ

ಉಪೇಂದ್ರ ಹಾಗೂ ರಮ್ಯಾ ಮುಖ್ಯಭೂಮಿಕೆಯಲ್ಲಿ ಅಭಿನಯಿಸುತ್ತಿರುವ ಚಿತ್ರ 'ಯಮೇಂದ್ರ ಉಪೇಂದ್ರ'. ಈ ಚಿತ್ರವನ್ನು ಮುನಿರತ್ನ ನಿರ್ಮಿಸುತ್ತಿದ್ದಾರೆ. ಈಗಾಗಲೆ ಚಿತ್ರದ ಶೀರ್ಷಿಕೆಯನ್ನು ಫಿಲಂ ಚೇಂಬರ್‌ನಲ್ಲಿ ರಿಜಿಸ್ಟರ್ ಮಾಡಿಸಲಾಗಿದೆ.

ಆದರೆ ಈಗ ಶೀರ್ಷಿಕೆಯನ್ನು 'ಕಠಾರಿ ವೀರ, ಸುರ ಸುಂದರಾಂಗಿ' ಎಂದು ಬದಲಾಯಿಸಲಾಗಿದೆ. ಈ ಬದಲಾವಣೆಗೆ ಕಾರಣ ಏನು ಎಂಬುದು ಗೊತ್ತಾಗಿಲ್ಲ. ನವೆಂಬರ್ 14ರ ಮಕ್ಕಳ ದಿನಾಚರಣೆಯಂದು ಈ ಚಿತ್ರದ ಚಿತ್ರೀಕರಣ ಆರಂಭವಾಗಿತ್ತು.

ಹೈದರಾಬಾದಿನ ರಾಮೋಜಿ ಫಿಲಂ ಸಿಟಿಯಲ್ಲಿ 'ಕಠಾರಿ ವೀರ' ಚಿತ್ರಕ್ಕೆ ಅದ್ಭುತ ಇಂದ್ರಲೋಕದ ಸೆಟ್ ಹಾಕಲಾಗಿತ್ತು. ನಟ ಶ್ರೀಧರ್ ಈ ಚಿತ್ರದಲ್ಲಿ ಇಂದ್ರನಾಗಿ ಕಾಣಿಸಲಿದ್ದಾರೆ. ನಟಿ ರಮ್ಯಾ ಇಂದ್ರನ ಮಗಳಾಗಿ ಅಭಿನಯಿಸಿದ್ದು, ರೆಬೆಲ್ ಸ್ಟಾರ್ ಅಂಬರೀಷ್ ಯಮನಾಗಿ ದೊಡ್ಡಣ್ಣ ಚಿತ್ರಗುಪ್ತನಾಗಿ ಪಾತ್ರವನ್ನು ಪೋಷಿಸಿದ್ದಾರೆ. (ಒನ್‌ಇಂಡಿಯಾ ಕನ್ನಡ)