ಚಾಮುಂಡೇಶ್ವರಿ ಪ್ರತಿಮೆ ತಯಾರಿಸಿದ್ದು ಹೇಗೆ?

News

oi-Sriram

By Sriram

| Published: Friday, December 16, 2011, 11:20 [IST]

ಸಿಂಹದ ಮೇಲೆ ಕುಳಿತ ಚಾಮುಂಡೇಶ್ವರಿಯ ವೈಭವದ ಸೆಟ್ ಅನ್ನು ತಯಾರಿಸಲು ಅಭಿಮಾನ್ ಸ್ಟುಡಿಯೋದಲ್ಲಿ ಒಟ್ಟೂ 60 ದಿನ ಕೆಲಸ ಮಾಡಲಾಗಿದೆ. ಈಶ್ವರಿ ಕುಮಾರ್ ಜತೆ 150 ಜನ ಸೇರಿ ಮಾಡಿದ ಈ ಕೆಲಸಕ್ಕೆ ಮೊದಲು ವಿನ್ಯಾಸ ಮಾಡಿದ್ದು ನಿರ್ದೇಶಕ ದಿನಕರ್ ಜತೆ ಸೇರಿ ಈಶ್ವರಿ ಕುಮಾರ್.

"ಮೊದಲು ಅದರ ಪೇಂಟಿಂಗ್ ಮಾಡಿ ನಂತರ ಈ ಪ್ರತಿಮೆ ಕೆಲಸ ಪ್ರಾರಂಭಿಸಲಾಯ್ತು. ಇಲ್ಲಿ ಮಾಡಿ ಅದನ್ನು ಕೇರಳಕ್ಕೆ ಸಾಗಿಸುವುದು ಕಷ್ಟದ ಕೆಲಸ ಎಂಬ ಕಾರಣಕ್ಕೆ ಕೆಲವನ್ನು ಇಲ್ಲಿ ಮಾಡಿ ನಂತರ ಅಲ್ಲಿನ ಕಲಾವಿದರ ಸಹಾಯದಿಂದ ಕೆಲಸ ಮುಗಿಸಿದ್ದೇವೆ. ಒಟ್ಟಿನಲ್ಲಿ ನಮ್ಮೆಲ್ಲ ಪರಿಶ್ರಮದ ಮೂಲಕ ಮೈನವಿರೇಳಿಸುವಂತ ಪ್ರತಿಮೆ ಸಿದ್ಧವಾಗಿದೆ" ಎಂದಿದ್ದಾರೆ ಕುಮಾರ್.

ಪ್ರೇಮಲೋಕದಿಂದ ರವಿಚಂದ್ರನ್ ಜೊತೆ ಕೆಲಸ ಮಾಡುತ್ತಿರುವ ಕುಮಾರ್, ಏಕಾಂಗಿ ಸೆಟ್ ಗೆ ಕೂಡ ಕೆಲಸ ಮಾಡಿದ್ದಾರೆ. ಪರಮೇಶಿ ಪಾನ್ ವಾಲಾ ಚಿತ್ರದ ಮೂಲಕ ಸ್ವತಂತ್ರ ಕಲಾ ನಿರ್ದೇಶನಕ್ಕೆ ತೊಡಗಿರುವ ಕುಮಾರ್ ಸಾರಥಿಯಿಂದ ಪ್ರಸಿದ್ಧರಾಗಿದ್ದಾರೆ. ಇದೀಗ ಶಿವ, ವಿರಾಟ್, ಅನಾರ್ಕಲಿ, ಉಪ್ಪಿ ಹೊಸ ಚಿತ್ರ ಹೀಗೆ ಸಾಲು ಸಾಲು ಚಿತ್ರಗಳ ಸರದಾರ ಆಗಿದ್ದಾರೆ. (ಒನ್ ಇಂಡಿಯಾ ಕನ್ನಡ)

Friday, December 16, 2011, 11:20