ದರ್ಶನ್ ನಾಯಕನಾಗಿ ಕನ್ನಡಕ್ಕೆ ಸೋನಂ ಕಪೂರ್

'ಸಾವರಿಯಾ' ಚಿತ್ರದ ಮೂಲಕ ಬಾಲಿವುಡ್‌ಗೆ ಅಡಿಯಿಟ್ಟ ಬೆಡಗಿ ಸೋನಂ ಕಪೂರ್ ಕನ್ನಡ ಚಿತ್ರದಲ್ಲಿ ಅಭಿನಯಿಸುವ ಬಯಕೆಯನ್ನು ವ್ಯಕ್ತಪಡಿಸಿದ್ದಾರೆ. ಅವರ ಬಯಕೆಯನ್ನು ಪೂರೈಸಲಿದ್ದಾರೆ 'ಮಳೆಬಿಲ್ಲೆ' ಖ್ಯಾತಿಯ ನಿರ್ದೇಶಕ ಮಹೇಶ್ ಸುಖಧರೆ.

ಸೋನಂನ ಈ ಮನದಾಳದ ಆಸೆ ಮಹೇಶ್ ಸುಖಧರೆ ಕಿವಿಗೆ ಬಿದ್ದಿದ್ದು ಅವರು ಜಾಗೃತರಾಗಿ ಆಕೆಯನ್ನು ಕನ್ನಡಕ್ಕೆ ಕರೆತರುವ ಪ್ರಯತ್ನದಲ್ಲಿದ್ದಾರೆ. ಇನ್ನೂ ಹೆಸರಿಡದ ಈ ಚಿತ್ರಕ್ಕೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಾಯಕ ನಟ. ದರ್ಶನ್ ಜೊತೆಗೂ ಈಗಾಗಲೆ ಚರ್ಚಿಸಿದ್ದು ಅವರು ಈ ನವಿರು ಪ್ರೇಮಕಥೆಗೆ ಗ್ರೀನ್ ಸಿಗ್ನಲ್ ನೀಡಿದ್ದಾರೆ ಎನ್ನುತ್ತಾರೆ ಸುಖಧರೆ.

ತೆಲುಗು, ತಮಿಳಿನಲ್ಲಿ ಮಿಂಚುತ್ತಿರುವ ಬೆಂಗಳೂರು ಬೆಡಗಿ ಅನುಷ್ಕಾ ಶೆಟ್ಟಿ ಈ ಚಿತ್ರದ ಮತ್ತೊಬ್ಬ ನಾಯಕಿ. ಸುಖಧರೆ ಅವರು 1998ರಲ್ಲಿ ನಿರ್ದೇಶಿಸಿದ್ದ 'ಸಂಭ್ರಮ' ಚಿತ್ರದ ಮಾದರಿಯಲ್ಲಿರುತ್ತದಂತೆ ಈ ಚಿತ್ರವಿರುತ್ತದಂತೆ. ಭಾರಿ ಬಜೆಟ್‌ನ ಈ ಚಿತ್ರಕ್ಕೆ ಸುಖಧರೆ ತೆರೆಮರೆ ಕಸರತ್ತುಗಳು ನಡೆಯುತ್ತಿವೆ. (ಏಜೆನ್ಸೀಸ್)