ಮುಖಪುಟ

ಸಿನಿ ಸಮಾಚಾರ

'ನೈಂಟಿ' ಕಿಕ್‌ನಲ್ಲಿ ತೇಲಾಡಿದ ಹಾಸ್ಯ ನಟ ಕಮ್ ಚಲನಚಿತ್ರ ನಿರ್ದೇಶಕ ಸಾಧುಕೋಕಿಲ ಈಗ 'ಕ್ವಾರ್ಟರ್‌'ಗೆ ಆರ್ಡರ್ ಮಾಡಿದ್ದಾರೆ. ಸಾಮಾನ್ಯವಾಗಿ ಕ್ವಾರ್ಟರ್, ನೈಂಟಿ, ಫುಲ್, ಪಿಂಟ್ ಎಂಬ ಪದಗಳು ಎಣ್ಣೆಹಾಕುವ ಗುಂಡಣ್ಣರಿಗೆ ಚಿರಪರಿಚಿತ. ಈಗ ಈ ಬಾರ್ ಅಂಡ್ ರೆಸ್ಟೋರೆಂಟು ಪದಗಳು ಗುಂಡು ಹಾಕದವರ ಬಾಯಲ್ಲೂ ನುಲಿಯುತ್ತಿವೆ.

ಚಿತ್ರಮಂದಿರದಲ್ಲಿ ಪ್ರೇಕ್ಷಕರಿಗೆ 'ನೈಂಟಿ' ಕುಡಿಸಿ ಪಲ್ಟಿ ಹೊಡೆಸಿದ ಸಾಧು ಈಗ ಮತ್ತೊಂದು ಚಿತ್ರವನ್ನು ಕೈಗೆತ್ತಿಕೊಂಡಿದ್ದಾರೆ. ಚಿತ್ರದ ಹೆಸರು 'ಕ್ವಾರ್ಟರ್'. ಈ ಚಿತ್ರಕ್ಕೆ ನಾಯಕನಟನಾಗಿ ಶ್ರೀನರಕಿಟ್ಟಿ ಅವರನ್ನು ಕಣಕ್ಕಿಳಿಸಲು ಸಾಧು ಸ್ಕೆಚ್ ಹಾಕಿದ್ದಾರೆ. ಸದ್ಯಕ್ಕೆ 'ಅನಾರ್ಕಲಿ' ಚಿತ್ರದಲ್ಲಿ ಕಿಟ್ಟಿ ಬ್ಯುಸಿಯಾಗಿದ್ದಾರೆ. ಅದಾದ ಬಳಿಕವಷ್ಟೆ 'ಕ್ವಾರ್ಟರ್‌'ಗೆ ಕೈಹಾಕಲಿದ್ದಾರೆ.

ಈ ಚಿತ್ರವನ್ನೂ 'ನೈಂಟಿ' ನಿರ್ಮಿಸಿದ್ದ ಲಕ್ಕಿ ಶಂಕರ್ ಅವರೇ ನಿರ್ಮಿಸುವ ಸಾಧ್ಯತೆಗಳಿವೆ. ಈಗಾಗಲೆ ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯಲ್ಲಿ 'ಕ್ವಾರ್ಟರ್' ಹಾಗೂ 'ಫುಲ್ ಬಾಟಲ್' ಶೀರ್ಷಿಕೆಗಳು ರಿಜಿಸ್ಟರ್ ಆಗಿವೆ. ಈ ಬಾರಿಯೂ ಸಾಧು ಕೋಕಿಲ ಕಾಮಿಡಿ ಕಿಕ್ ಕೈಹಿಡಿಯುವ ನಿರೀಕ್ಷೆಯಲ್ಲಿದೆ ಗಾಂಧಿನಗರ. (ದಟ್ಸ್‌ಕನ್ನಡ ಸಿನಿವಾರ್ತೆ)