ಭಲೆ, ರೈಲ್ವೆ ಸ್ಟೇಷನ್‌ನಲ್ಲೇ ಅಶ್ಲೀಲ ಸಿನಿಮಾ ಪ್ರದರ್ಶನ!

ಬಂಧಿತನ ಹೆಸರು ಅಶುತೋಶ್ ಸ್ವೈನ್. ಈತ ಖಾಸಗಿ ಕಂಪನಿಯೊಂದರಲ್ಲಿದ್ದು ಟಿವಿ ಸೆಟ್‌ಗಳನ್ನು ಆಪರೇಟ್ ಮಾಡುವ ಕೆಲಸ ಮಾಡುತ್ತಿದ್ದ. ಟಿವಿ ರಿಪೇರಿಯಲ್ಲಿ ನಿಷ್ಣಾತನಾದ ಈತ ತನ್ನ ಮೊಬೈಲ್ ಫೋನ್‌ನಲ್ಲಿದ್ದ ಅಶ್ಲೀಲ ಸಿನಿಮಾವನ್ನು ರೈಲ್ವೆ ಟೆಲಿವಿಷನ್ ಸರ್ವರ್‌‌ಗೆ ಅಪ್‌ಲೋಡ್ ಮಾಡಿ ಟಿವಿ ಪರದೆಯಲ್ಲಿ ಮೂಡಿ ಬರುವಂತೆ ಮಾಡಿದ್ದ.

ಈತನ ಕೈಚಳಕವೇನೋ ಚೆನ್ನಾಗಿತ್ತು. ಆದರೆ ಪೊಲೀಸರು ಈಗ ಆತನನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ. ತನ್ನ ತಪ್ಪನ್ನು ಒಪ್ಪಿಕೊಂಡಿರುವ ಈತ ಈಗ ಪೊಲೀಸರ ಅತಿಥಿ. ಈ ಸಂಬಂಧ ರೈಲ್ವೆ ಇಲಾಖೆ ತನಿಖೆ ನಡೆಸುವಂತೆ ಸೂಚಿಸಿದೆ. ಖಾಸಗಿ ಸಂಸ್ಥೆಯೊಂದು ಈ ಟೆಲಿವಿಷನ್ ಸೇವೆಯನ್ನು ನೀಡುತ್ತಿದ್ದು ಕಂಟ್ರೋಲ್ ರೂಮನ್ನು ಸೀಲ್ ಮಾಡುವಂತೆ ಸೂಚಿಸಲಾಗಿದೆ. (ಏಜೆನ್ಸೀಸ್)