Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಲವ್- ಏರ್ಟೆಲ್ ನಡುವೆ ಲವ್ವು !
*ದಟ್ಸ್ಕನ್ನಡ ಬ್ಯೂರೋ
ತಂಪು ಪಾನೀಯ ಹಾಗೂ ಮೋಟಾರ್ ಬೈಕ್ ಕಂಪನಿಗಳು ಹಿಂದಿ ಚಿತ್ರಗಳ ಜೊತೆ ಒಪ್ಪಂದ ಮಾಡಿಕೊಂಡು ಜಾಹೀರಾತು ಪಡೆಯುವುದು, ಸಿನಿಮಾಗೂ ಪ್ರಚಾರ ಕೊಡುವುದು ಲಾಗಾಯ್ತಿನಿಂದ ಚಾಲ್ತಿಯಲ್ಲಿರುವ ಸಂಗತಿ. ಆದರೆ ಸೀಮಿತ ಮಾರುಕಟ್ಟೆಯಿರುವ ಕನ್ನಡ ಚಿತ್ರಗಳಲ್ಲಿ ಈ ಪ್ರಕಾರದ ಒಡಂಬಡಿಕೆಗಳು ಎಲ್ಲೋ ಅಲ್ಲೊಂದು ಇಲ್ಲೊಂದು.
ಹುಚ್ಚೆಬ್ಬಿಸಿದ್ದ ರವಿಚಂದ್ರನ್ ಕನಸಿನ ಚಿತ್ರ ‘ಪ್ರೇಮಲೋಕ’ ದಲ್ಲಿ ಸದ್ದು ಗದ್ದಲ ಮಾಡಿದ ಟಿವಿಎಸ್ ಮೋಟಾರ್ ಬೈಕುಗಳು ಜೋರಾಗಿ ಬಿಕರಿಯಾಗುತ್ತಿದ್ದ ಯಮಹಾ ಕಂಪನಿಯ ಬೈಕುಗಳಿಗೆ ಕೊಂಚ ಬ್ರೇಕ್ ಹಾಕಿದ್ದು ನೆನಪು. ಆದರೆ ಒಡಂಬಡಿಕೆಯಿಂದ ಚಿತ್ರಕ್ಕೆ ಉಪಯೋಗವಾದಂಥ ಉದಾಹರಣೆಗಳು ಕನ್ನಡ ಚಿತ್ರರಂಗದಲ್ಲಿ ಇಲ್ಲವೇನೋ.
ಇತ್ತೀಚೆಗೆ ಬಿಡುಗಡೆಯಾದ ಕವಿತಾ ಲಂಕೇಶ್ ನಿರ್ದೇಶನದ ‘ಪ್ರೀತಿ ಪ್ರೇಮ ಪ್ರಣಯ’ ಚಿತ್ರದ ಹಾಡುಗಳನ್ನು ಮೊಬೈಲ್ನಲ್ಲಿ ರಿಲಯನ್ಸ್ ಕೇಳಿಸಲು ಮುಂದಾಯಿತು. ಆದರೆ ಕೇಳಿದವರ ಸಂಖ್ಯೆ ಸುದ್ದಿಯೇ ಆಗಲಿಲ್ಲ. ತಮ್ಮ ಮಗ ಆದಿತ್ಯ ಉರುಫ್ ದುಷ್ಯಂತ್ ಸಿಂಗ್ನನ್ನು ನಾಯಕನಾಗಿ ಕಡೆಯಲು ಕಲಿತ ವಿದ್ಯೆಯನ್ನೆಲ್ಲಾ ಖರ್ಚು ಮಾಡುತ್ತಿರುವ ರಾಜೇಂದ್ರ ಸಿಂಗ್ ಬಾಬು ಇದೀಗ ಏರ್ಟೆಲ್ ಜೊತೆ ಬ್ರಾಂಡ್ ಒಪ್ಪಂದ ಮಾಡಿಕೊಂಡಿದ್ದಾರೆ.
ಏರ್ಟೆಲ್ನವರಿಗೆ ಈ ಒಪ್ಪಂದದಿಂದ ಒಂದಷ್ಟು ಹಣ ಗಿಟ್ಟಬಹುದು. ಆದರೆ, ಬಾಬು ಪುತ್ರನ ಚಿತ್ರಕ್ಕೆ ಭರ್ತಿ ಪ್ರಚಾರ ಸಿಗುವುದಂತೂ ಖರೆ. ಒಡಂಬಡಿಕೆಯ ಪ್ರಕಾರ, ಬಿಡುಗಡೆ ಸಂದರ್ಭದಲ್ಲಿ ಏರ್ಟೆಲ್ ‘ಲವ್’ ಚಿತ್ರಕ್ಕೆ ವ್ಯಾಪಕ ಪ್ರಚಾರ ಕೊಡಲಿದೆ. ಬೆಂಗಳೂರಿನಂಥ ನಗರಿಯಲ್ಲಿ ಪಡ್ಡೆಗಳ ಕೈಲೂ ಮೊಬೈಲು ರಿಂಗಿಸುವ ಈ ದಿನಗಳಲ್ಲಿ ಕನ್ನಡ ಚಿತ್ರವೊಂದರ ಪ್ರಚಾರದ ಈ ಆಧುನಿಕ ತಂತ್ರ ಸ್ವಾಗತಾರ್ಹ. ಆದರಿದು ಏರ್ಟೆಲ್ ಗಿರಾಕಿಗಳು ಚಿತ್ರಮಂದಿರಕ್ಕೆ ಬಂದು, ಕನ್ನಡ ಸಿನಿಮಾ ನೋಡುವಂತೆ ಮಾಡುತ್ತದಾ? ಮಾಡಿದರೆ ತಂತ್ರ ಪೂರ್ಣ ಫಲದಾಯಕ ಅಂದುಕೊಳ್ಳಬಹುದು.
ಮುಖಪುಟ / ಸ್ಯಾಂಡಲ್ವುಡ್