ಅಣ್ಣಾಬಾಂಡ್ ಮಹೂರ್ತದಂದೇ ಬಿಡುಗಡೆ ದಿನಾಂಕ ಘೋಷಣೆ

ರಾಜ್ ಸಂಸ್ಥೆಯ ಬ್ಯಾನರ್ ಅಡಿಯಲ್ಲಿ ತಯಾರಿಸಲಾಗುತ್ತಿರುವ 80 ನೇ ಚಿತ್ರ ಈ ಅಣ್ಣಾಬಾಂಡ್. ಆಶ್ಚರ್ಯವೆಂದರೆ ಈ ಚಿತ್ರವನ್ನು ಯಾವಾಗ ಬಿಡುಗಡೆ ಮಾಡಬೇಕೆಂದು ಸಂಸ್ಥೆ ಈಗಲೇ ಪ್ಲಾನ್ ಮಾಡಿಕೊಂಡಿದೆ. ಅದು ರಾಜ್ ಹುಟ್ಟುಹಬ್ಬದ ದಿನ ಏಪ್ರಿಲ್ 24. ಸರಿಯಾದ ಯೋಚನೆಯಿಂದ ಹುಟ್ಟುವ ಯೋಜನೆ ಹೀಗಿರುತ್ತದೆ ಅಲ್ಲವೇ?

ಈ ಅಣ್ಣಾಬಾಂಡ್ ಚಿತ್ರ ಪುನೀತ್ ಅವರ 18 ನೇ ಚಿತ್ರ ಹಾಗೂ ನಿರ್ದೇಶಕ ಸೂರಿಯವರಿಗೆ ರಾಜ್ ಬ್ಯಾನರಿನಲ್ಲಿ 2 ನೆಯ ಚಿತ್ರ. ಪುನೀತ್ ಜೋಡಿಯಾಗಿ 2 ನೆಯ ಬಾರಿ ಪ್ರಿಯಾಮಣಿ ನಟಿಸುತ್ತಿದ್ದು ನಿಧಿಗೆ ಇದು ಮೊದಲ ಅವಕಾಶ. ಒಟ್ಟಿನಲ್ಲಿ ರಾಜ್ ಹುಟ್ಟುಹಬ್ಬ ಜನರ ಪಾಲಿಗೆ ದೊಡ್ಡಹಬ್ಬವಾಗುವ ಎಲ್ಲ ಲಕ್ಷಣ ಗೋಚರಿಸುತ್ತಿದೆ. (ಒನ್ ಇಂಡಿಯಾ ಕನ್ನಡ)