ತೆಲುಗು 'ಬಿಜಿನೆಸ್‌ಮ್ಯಾನ್' ಮೇಲೆ ಬಜರಂಗ ದಳ ದೂರು

ತೆಲುಗು ನಟ ಮಹೇಶ್ ಬಾಬು ಅಭಿನಯ 'ಬಿಜಿನೆಸ್‌ಮ್ಯಾನ್' ಚಿತ್ರದ ವಿರುದ್ಧ ಪ್ರಮುಖ ಹಿಂದೂ ಸಂಘಟನೆ ಬಜರಂಗ ದಳ ಕಾರ್ಯಕರ್ತರು ಹೈದರಾಬಾದ್‌ನಲ್ಲಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಈ ಚಿತ್ರದಲ್ಲಿನ ಒಂದು ಹಾಡು ತೀರಾ ಅಸಭ್ಯವಾಗಿದ್ದು,ಸಾಹಿತ್ಯವಂತೂ ಕೇಳುವಂತೆಯೇ ಇಲ್ಲ ಎಂದು ಬಜರಂಗ ದಳ ತನ್ನ ದೂರಿನಲ್ಲಿ ತಿಳಿಸಿದೆ.

'ಬಿಜಿನೆಸ್‌ಮ್ಯಾನ್' ಚಿತ್ರದ ಐಟಂ ಹಾಡು "ಬ್ಯಾಡ್ ಬಾಯ್ಸ್"ನಲ್ಲಿ ಬಳಸಿರುವ ಭಾಷೆ ಅಸಭ್ಯವಾಗಿದೆ. ಶ್ವೇತಾ ಭಾರದ್ವಾಜ್ ಎಂಬ ನಟಿ ಈ ಹಾಡಿಗೆ ಕುಣಿದಿರುವುದು ಅಷ್ಟೇ ಅಶ್ಲೀಲವಾಗಿದೆ. ಚಿತ್ರದ ನಿರ್ದೇಶಕ ಪುರಿ ಜಗನ್ನಾಥ್ ಮೇಲೆ ಕ್ರಮಕೈಗೊಳ್ಳಬೇಕು ಎಂದು ಬಜರಂಗ ದಳ ಆಗ್ರಹಿಸಿದೆ.

ಈ ಸಂಬಂಧ ಹೈದರಾಬಾದಿನ ಮಹಂಕಾಳಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಪೊಲೀಸ್ ಇನ್ಸ್‌ಪೆಕ್ಟರ್ ಎಸ್ ರಂಗರಾವ್ ಅವರು ಕಂಪ್ಲೇಂಟ್‌ನ್ನು ಬರೆದುಕೊಂಡಿದ್ದು, "ಕಾನೂನು ತಜ್ಞರನ್ನು ಭೇಟಿ ಮಾಡಿ ನಿರ್ದೇಶಕ ಪುರಿ ಜಗನ್ನಾಥ್ ವಿರುದ್ಧ ಸೂಕ್ತ ಕ್ರಮಕೈಗೊಳ್ಳುವುದಾಗಿ" ಭರವಸೆ ನೀಡಿದ್ದಾರೆ. (ಏಜೆನ್ಸೀಸ್)