ಸಿದ್ಲಿಂಗು ವಿಭಿನ್ನ ಪಾತ್ರ ಮಂಗಳಾ ಟೀಚರ್: ರಮ್ಯಾ

ಸಿದ್ಲಿಂಗು ಚಿತ್ರದಲ್ಲಿ ಬರುವ ತಮ್ಮ ಮಂಗಳಾ ಟೀಚರ್ ಪಾತ್ರದ ಬಗ್ಗೆ ರಮ್ಯಾ ಸಖತ್ ಥ್ರಿಲ್ ಆಗಿದ್ದಾರೆ. ಆ ಪಾತ್ರದಲ್ಲಿ, ರಮ್ಯಾ ಬಾಯಲ್ಲಿ ಬರೋದೆಲ್ಲಾ ಪೋಲಿ ಹುಡುಗಿಯರು ಹೊಡೆಯೊ ದ್ವಂದ್ವಾರ್ಥದ ಕಡ್ಲೆಕಾಯಿ ಡೈಲಾಗ್‌ಗಳಂತೆ. ಚಿತ್ರದಲ್ಲಿ ಅಂಥಾ ಅರ್ಥಗಳನ್ನೇ ಸೂಚಿಸುವ ಡೈಲಾಗ್‌ಗಳನ್ನು ಹಾಕಿ ಪ್ರೇಕ್ಷಕರನ್ನು ಮುಸಿ ಮುಸಿ ನಗುವಂತೆ ಪ್ರಯತ್ನಿಸಿದ್ದಾರಂತೆ ನಿರ್ದೇಶಕ ವಿಜಯ ಪ್ರಸಾದ್.

ಸಿದ್ಲಿಂಗು ಹೀರೋ ಯೋಗೇಶ್ ಬಗ್ಗೆ ರಮ್ಯಾ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇಷ್ಟು ಚಿಕ್ಕ ವಯಸ್ಸಿನಲ್ಲಿ ತುಂಬಾ ಚೆನ್ನಾಗಿ ಅಭಿನಯಿಸುತ್ತಾನೆ" ಎಂದಿದ್ದಾರೆ. ಚಿತ್ರದಲ್ಲಿ ರಮ್ಯಾ ಹೇಳುವ ಡೈಲಾಗ್ ಗೆ ನಟ ಸರಿಹೊಂದುತ್ತಾನಂತೆ. ರಮ್ಯಾ ಪಾತ್ರಕ್ಕೂ ಡೈಲಾಗ್‌ಗೂ ಸಂಬಂಧವಿಲ್ಲವಂತೆ. ಆದರೆ ಯಾರೂ ಆಡದ, ಆಡಬಾರದ ಮಾತುಗಳೇನೂ ಚಿತ್ರದಲ್ಲಿಲ್ಲ" ಎಂದು ಸ್ಪಷ್ಟಪಡಿಸಿದ್ದಾರೆ.

ಎಲ್ಲಾ ಚಿತ್ರಗಳಲ್ಲೂ ನನ್ನದು ವಿಭಿನ್ನ ಪಾತ್ರವಾಗಿರಬೇಕೆಂದು ಬಯಸುವವಳು ನಾನು. ಇದುವರೆಗೂ ಮಾಡದ ಪಾತ್ರ ಇದಾಗಿರುವುದರಿಂದ ಇಂತಹಾ ಅವಕಾಶವನ್ನು ಖುಷಿಯಿಂದಲೇ ಒಪ್ಪಿಕೊಂಡಿದ್ದೇನೆ ಅಷ್ಟೆ" ಸಂಭಾಷಣೆಯ ಬಗ್ಗೆ ಪ್ರೇಕ್ಷಕರು ಹೆಚ್ಚು ತಲೆಕೆಡಿಸಿಕೊಳ್ಳಲಾರರು ಎಂಬುದು ನನ್ನ ಅನಿಸಿಕೆ" ಎಂದಿದ್ದಾರೆ.