ಹಸಿ ಬಾಣಂತಿ ಐಶ್ವರ್ಯ ರೈ, ಬೇಬಿ ಫೋಟೋ ಲೀಕ್!

ಹಸಿಹಸಿ ಬಾಣಂತಿ ಐಶ್ವರ್ಯ ರೈ ಹಾಗೂ ಆಕೆಯ ಎರಡು ದಿನಗಳ ಬೇಬಿ ಫೋಟೋ ಫೇಸ್‌ಬುಕ್‌ನಲ್ಲಿ ಲೀಕ್ ಆಗಿದೆ! ಗಕ್ಕನೆ ಕಣ್ಣಾಡಿಸಿದರೆ ಡುಬಕ್ಕನೆ ಹಳ್ಳಕ್ಕೆ ಬೀಳಿಸುವಂತಿದೆ ಈ ಫೋಟೋ. ಈ ಚಿತ್ರ ಅದೆಷ್ಟು ನಕಲಿಯೋ ಅಸಲಿಯೋ ಆ ಭಗವಂತನೇ ಬಲ್ಲ.

ಒಂದು ವೇಳೆ ಈ ಚಿತ್ರವನ್ನು ಅಮಿತಾಬೋ ಅಭಿಷೇಕೋ ತಮ್ಮ ಮೈಕ್ರೋಬ್ಲಾಗ್‌ಗಳಲ್ಲಿ ಹಾಕಿಕೊಂಡಿದ್ದಿದ್ದರೆ ನಂಬಬಹುದಿತ್ತು. ಕೆಲವು ಗ್ರಾಫಿಕ್ ಕಲಾವಿದರು ತಮ್ಮ ಕೈಚಳಕ ತೋರಿಸಲು ಸದಾ ಮಗ್ನರಾಗಿರುತ್ತಾರೆ. ಈ ರೀತಿಯ ಅವಕಾಶ ಸಿಕ್ಕಿದರೆ ಅವರ ಕ್ರಿಯೇಟಿವಿಟಿ ಗರಿಗೆದರಿಬಿಡುತ್ತದೆ.

ಮಗುವಿನ ಕಣ್ಣು ಥೇಟ್ ಅಮ್ಮನಂತಿದೆ ಎಂದು ಅಮಿತಾಬ್ ಟ್ವೀಟಿಸಿದ್ದರು. ಅದಾದರೂ ನೋಡೋಣ ಎಂದರೆ ಮಗು ತಾಚಿ ಮಾಡ್ತಿದೆ. ಇನ್ನು ಐಶ್ವರ್ಯ ರೈ ಮುಖ ನೋಡಿದರೆ ಯಾವ ಹಸಿ ಬಾಣಂತಿ ತಾನೆ ಈ ರೀತಿ ಮೇಕಪ್ ಮಾಡಿಕೊಳ್ಳಲು ಸಾಧ್ಯ ಎಂಬ ದೌಟ್ ಬರುತ್ತದೆ. ಇದೊಂದು ರೀತಿ ಹಾಗೇ ಸುಮ್ಮನೆ ಫೋಟೋ ಅಷ್ಟೆ. (ಒನ್‌ಇಂಡಿಯಾ ಕನ್ನಡ)