ವಜ್ರದ ಆಭರಣ ಕಳೆದುಕೊಂಡ ಸಿನಿಮಾ ತಾರೆ

ಕನ್ನಡದ 'ಗಡಿಬಿಡಿ ಗಂಡ' ಖ್ಯಾತಿಯ ದಕ್ಷಿಣ ಒಂದು ಕಾಲದ ಸುಂದರಿ ಹಾಗೂ ಸದ್ಯಕ್ಕೆ ವೈಎಸ್ ಆರ್ ಕಾಂಗ್ರೆಸ್‌ ಪಕ್ಷದಲ್ಲಿರುವ ಸಿನಿಮಾ ತಾರೆ ರೋಜಾ ಲಕ್ಷಾಂತರ ಬೆಲೆ ಬಾಳುವ ವಜ್ರದ ಆಭರಣ ಕಳೆದುಕೊಂಡಿದ್ದಾರೆ. ವಿಜಯವಾಡದಿಂದ ಸಿಕಿಂದರಾಬಾದ್‌ಗೆ ಪ್ರಯಾಣಿಸಬೇಕಾದರೆ ಈಕೆಯ ವಜ್ರಾಭರಣ ಕಳುವಾಗಿದೆ.

ರೈಲಿನಲ್ಲಿ ಪ್ರಯಾಣಿಸುತ್ತಿದ್ದ ಈಕೆ, ವಜ್ರಖಚಿತ ಉಂಗುರ ಹಾಗೂ ನೆಕ್ಲೇಸನ್ನು ತಮ್ಮ ಕೈಚೀಲದಲ್ಲಿಟ್ಟುಕೊಂಡು ಸಣ್ಣಗೆ ಒಂದು ನಿದ್ದೆ ಹೊಡೆದಿದ್ದಾರೆ. ಎಚ್ಚರಗೊಂಡಾಗಲೂ ಆ ಬಗ್ಗೆ ಗಮನವಿರಲಿಲ್ಲವಂತೆ. ಬಳಿಕ ಸಿಕಂದರಾಬಾದಿನ ಮನೆಗೆ ಹೋಗಿ ನೋಡಿದಾಗಲೆ ಆಕೆಗೆ ಗೊತ್ತಾಗಿದ್ದಂತೆ.

ಕೂಡಲೆ ಎಚ್ಚೆತ್ತುಕೊಂಡ ಆಕೆ ಸೀದಾ ಸಿಕಿಂದಾಬಾದ್ ಪೊಲೀಸ್ ಠಾಣೆಗೆ ಹೋಗಿ ತಮ್ಮ ವಜ್ರಾಭರಣ ಕಳುವಾದ ಬಗ್ಗೆ ದೂರು ನೀಡಿದ್ದಾರೆ. ಕಂಪ್ಲೇಟ್ ಬರೆದುಕೊಂಡಿರುವ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. ಕನ್ನಡದ ಮೌರ್ಯ, ನಲಿ ನಲಿಯುತಾ, ಪರ್ವ ಮುಂತಾದ ಚಿತ್ರದಲ್ಲಿ ರೋಜಾ ಅಭಿನಯಿಸಿದ್ದಾರೆ. (ಏಜೆನ್ಸೀಸ್)