ಚೆನ್ನೈನಲ್ಲಿ ಸಿನಿಮಾ ನೋಡಿದ ಅಣ್ಣಾ ಹಜಾರೆ

ಚೆನ್ನೈನ ಫೋರ್ ಸ್ಕ್ರೀನ್ಸ್ ಪ್ರಿವ್ಯೂ ಥಿಯೇಟರ್‌ನಲ್ಲಿ ಪ್ರಸ್ತುತ ರಾಜಕೀಯ ಬೆಳವಣಿಗೆಗಳ ಬಗ್ಗೆ ಬೆಳಕು ಚೆಲ್ಲುವ 'ಮುಧಲ್ವಾರ್ ಗಾಂಧಿ' ಎಂಬ ಚಿತ್ರವನ್ನು ವೀಕ್ಷಿಸಿದರು. ಬಾಲಕೃಷ್ಣನ್ ನಿರ್ದೇಶನದ ಈ ಚಿತ್ರವನ್ನು ಹಿಂದಿ ಭಾಷೆಗೆ ಡಬ್ ಮಾಡಲಾಗಿತ್ತು.

ಹಿಂದಿಯಲ್ಲಿ ಈ ಚಿತ್ರಕ್ಕೆ Welcome Back Gandhi ಎಂದು ಹೆಸರಿಡಲಾಗಿದೆ. ಅಣ್ಣಾ ಹಜಾರೆ ಅವರೊಂದಿಗೆ ಮಾಜಿ ಐಪಿಎಸ್ ಅಧಿಕಾರಿ ಕಿರಣ್ ಬೇಡಿ ಸೇರಿದಂತೆ ಹಲವು ಗಣ್ಯರು ವೀಕ್ಷಿಸಿದರು. ಚಿತ್ರದ ನಾಯಕ ನಟ ಅರ್ಜುನ್ ಕೂಡ ಉಪಸ್ಥಿತರಿದ್ದರು. ಸಂಪೂರ್ಣ ಚಿತ್ರವನ್ನು ವೀಕ್ಷಿಸಿದ ಅಣ್ಣಾ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ಚಿತ್ರ ಜನವರಿಯಲ್ಲಿ ತೆರೆಕಾಣಲಿದೆ. (ಏಜೆನ್ಸೀಸ್)