ಬಿ ಜಯಶ್ರೀಗೆ ಶ್ರೇಷ್ಠ ನಟಿ ಅಂತಾರಾಷ್ಟ್ರೀಯ ಪ್ರಶಸ್ತಿ

ದಕ್ಷಿಣ ಆಫ್ರಿಕಾದ ಬುಡಕಟ್ಟು ಜನಾಂಗವೊಂದು ಮಾತನಾಡುವ 'ಜುಲು' ಭಾಷೆಯ ಚಿತ್ರ ಈ 'ಲಕ್ಕಿ.' ಜೊತೆಗೆ ಹಿಂದಿ, ಇಂಗ್ಲಿಷ್ ಭಾಷೆಗಳೂ ಇವೆ. ನಿರ್ದೇಶಕ ಅವಿ ಲೂಥ್ರಾ 2005 ರಲ್ಲಿ ಇದೇ ಹೆಸರಿನ ಕಿರುಚಿತ್ರವೊಂದನ್ನು ನಿರ್ದೇಶಿಸಿದ್ದರು. ಟೊರಾಂಟೋ, 'ಅಬು ಧಾಬಿ ಮತ್ತು ಭೂಸಾನ್' ಫಿಲಂ ಫೆಸ್ಟಿವಲ್ಸ್ ನಲ್ಲಿ ಈ ಲಕ್ಕಿ ಚಿತ್ರ ಪ್ರದರ್ಶನಗೊಂಡು ಪ್ರೇಕ್ಷಕರಿಂದ ನಿರೀಕ್ಷೆಗೂ ಮೀರಿ ಪ್ರಶಂಸೆ ಗಿಟ್ಟಿಸಿದೆ. ಜಯಶ್ರೀ ಅಭಿನಯವಂತೂ ಎಷ್ಟು ಚೆನ್ನಾಗಿದೆ ಎಂಬುದಕ್ಕೆ ಈ ಪ್ರಶಸ್ತಿಯೇ ಸಾಕ್ಷಿ.

ನಾಲ್ಕನೇ ವರ್ಷದಲ್ಲಿಯೇ ವೇದಿಕೆ ಹತ್ತಿದ್ದ ಜಯಶ್ರೀ, ಇಂದೂ ಕೂಡ ನಾಟಕ, ಗಾಯನ ಹಾಗೂ ನಟನೆ ಎಲ್ಲಾ ವಿಭಾಗಗಳ ಸಕ್ರಿಯ ಕಲಾವಿದೆ. ನಾಗಮಂಡಲ, ಕೇರ್ ಆಫ್ ಫುಟ್ ಪಾತ್, ಅಲೆಮಾರಿ, ದೇವೇರಿ ಹಾಗೂ ಸಾಕಷ್ಟು ಸಿನಿಮಾದಲ್ಲಿ ಜಯಶ್ರೀ ನಟಿಸಿದ್ದಾರೆ. ಜಯಶ್ರೀ ಗೆ ಬಂದ ಪ್ರಶಸ್ತಿ ಕನ್ನಡಿಗರೆಲ್ಲರಿಗೂ ಖುಷಿಯ ಸಂಗತಿ. ಕನ್ನಡ ಚಿತ್ರರಂಗಕ್ಕೆ ಬಿ. ಜಯಶ್ರೀ ಅವರೇ ದೊಡ್ಡ ಪ್ರಶಸ್ತಿ. (ಒನ್ ಇಂಡಿಯಾ ಕನ್ನಡ)