ಜಂಗಲ್ ಜಾಕಿ ರಾಣಿ 'ಐಸೂ'ಗೆ ಕಾಸೇ ಕೊಟ್ಟಿಲ್ವಂತೆ

ಅಂದರೆ 'ಜಂಗಲ್ ಜಾಕಿ'ಯಲ್ಲಿ ನಟಿಸಿದ್ದಕ್ಕೆ ಆಕೆಗೆ ನಿರ್ಮಾಪಕರಾದ ಎ ಎನ್ ಸಿಂಧೂರ್, ಸಂಭಾವನೆಯನ್ನೇ ಕೊಟ್ಟಿಲ್ಲವಂತೆ. ಈ ವಿಷಯ ಮೊನ್ನೆ ನಡೆದ ಆಡಿಯೋ ಬಿಡುಗಡೆ ವೇಳೆ ಬೆಳಕಿಗೆ ಬಂದಿದೆ. ನಾಯಕ ರಾಜೇಶ್ ಜೊತೆ ನಾಯಕಿ ಐಸೂ ಇರಲಿಲ್ಲ. ಆಕೆಯ ಆರೋಗ್ಯ ಸರಿಯಿಲ್ಲ ಎಂದು ಚಿತ್ರತಂಡ ತಿಪ್ಪೆ ಸಾರಿಸಿದೆ.

ರವಿ ಕಡೂರ್ ನಿರ್ದೇಶನದ ಈ ಚಿತ್ರ ಇತ್ತೀಚಿಗೆ ಚಿತ್ರೀಕರಣ ಮುಗಿಸಿದೆ. ಮೊನ್ನೆ ಆಡಿಯೋ ಬಿಡುಗಡೆ ಕೂಡ ಮಾಡಿಕೊಂಡಿದೆ. ಆದರೆ ನಟಿ ಐಶ್ವರ್ಯಾಗೆ ಕೊಡಬೇಕಾದ ಸಂಭಾವನೆ ಕೊಟ್ಟಿಲ್ಲವಾದ್ದರಿಂದ ಆಕೆ ಆಡಿಯೋ ಬಿಡುಗಡೆ ವೇಳೆ ನಾಪತ್ತೆ ಆಗಿದ್ದಾಳೆ ಎಂಬ ವಿಷಯ ಇದೀಗ ಬಹಿರಂಗವಾಗಿದೆ. (ಒನ್ ಇಂಡಿಯಾ ಕನ್ನಡ)