twitter
    For Quick Alerts
    ALLOW NOTIFICATIONS  
    For Daily Alerts

    ಪೂಜಾಗಾಂಧಿ ಸ್ಲಿಮಾಗಿದ್ದಾರೆ ಕಾರಣ ಗೊತ್ತಾ?

    By Staff
    |

    *ಜಯಂತಿ

    Pooja Gandhi
    ಈ ವರ್ಷ ತೆರೆಕಂಡದ್ದು ಆರು. ಮುಂದಿನ ವರ್ಷ ರಿಲೀಸಿಗೆ ಆರು. ಪೂಜಾ ಗಾಂಧಿ ಹೀಗೆ ಸಿಕ್ಸರ್ ಮೇಲೆ ಸಿಕ್ಸರ್ ಹೊಡೆಯುತ್ತ ಸಾಗಿದ್ದಾರೆ. ಈ ವರ್ಷ ದುಡ್ಡು ಮಾಡಿದ 'ಬುದ್ಧಿವಂತ" ಹಾಗೂ ಯಶಸ್ಸಿನ ಅಲೆ ಮೇಲೆ ತೇಲಿದ 'ತಾಜ್‌ಮಹಲ್" ಎರಡರ ನಾಯಕಿಯೂ ಅವರೇ. 'ಅನು" ಬಿಡುಗಡೆಗೆ ಕಾಯುತ್ತಿದೆ. 'ಮಿನುಗು" ಸಿದ್ಧವಾಗುತ್ತಿದೆ. ಇಷ್ಟೆಲ್ಲದರ ನಡುವೆ ಅರ್ಜುನ್ ಸರ್ಜಾ ಜೊತೆ ನಟಿಸಿರುವ 'ತಿರುವನ್ನಾಮಲೈ" ತಮಿಳು ಸಿನಿಮಾ ನೆನ್ನೆಯಿನ್ನೂ ತೆರೆಕಂಡಿದೆ.

    'ಇಲ್ಲಿರುವುದೇ ನಮ್ಮನೆ, ಅಲ್ಲಿ ಹೋದದ್ದು ಸುಮ್ಮನೆ" ಅಂತ ಹಾಗೇ ಸುಮ್ಮನೆ ನಗುವ ಪೂಜಾ ಈಗ ಫಿಗರ್ ಕಾನ್ಷಿಯಸ್. ಕಳೆದ ಆರು ತಿಂಗಳಲ್ಲಿ ಐದು ಕೆ.ಜಿ. ತೂಕ ಇಳಿಸಿಕೊಂಡಿರುವುದೇ ಇದಕ್ಕೆ ಸಾಕ್ಷಿ. ಜಂಕ್ ಫುಡ್‌ಗೆ ಗುಡ್‌ಬೈ ಹೇಳಿರುವ ಅವರು ಎಣ್ಣೆ ತಿಂಡಿಗಳಿಂದ ದೂರ ಬಹು ದೂರ. ಕನ್ನಡದ ಉಚ್ಚಾರಣೆಯನ್ನು ಸಾಕಷ್ಟು ಸುಧಾರಿಸಿಕೊಂಡಿದ್ದು, ತಾವೇ ಡಬ್ಬಿಂಗ್ ಮಾಡುವ ಉತ್ಸಾಹದಲ್ಲಿದ್ದಾರೆ. ಇಲ್ಲದಿದ್ದರೆ ಪ್ರಶಸ್ತಿ ಸಿಗೋದಿಲ್ಲ ಅನ್ನೋದು ಅವರಿಗೆ ಗೊತ್ತು.

    ಎರಡು ಹಿಟ್. ಉಳಿದದ್ದು ತೋಪು. ಆಯ್ಕೆಯಲ್ಲಿ ನೀವು ಎಡವಟ್ಟು ಮಾಡಿಕೊಂಡಿರಾ ಅಂತ ಪ್ರಶ್ನೆ ಹಾಕಿದರೆ, ಪೂಜಾ ಹಾಗೇನೂ ಇಲ್ಲ ಅಂತಾರೆ. 'ಈ ವರ್ಷ ಸಾಕಷ್ಟು ಸಿನಿಮಾ ಸೋತಿವೆ. ಹಾಗೆ ನೋಡಿದರೆ ನನಗೆ ಯಾವ ನಟಿಯಿಂದಲೂ ಸ್ಪರ್ಧೆಯೇ ಇರಲಿಲ್ಲ. ಹಾಗಾಗಿ ಕೆಲವರು ನಾನೇ ವರ್ಷದ ನಂಬರ್ ಒನ್ ನಾಯಕಿ ಅಂತಿದಾರೆ. ಇನ್ನೂ ಚೆನ್ನಾಗಿ ನಟಿಸಬೇಕು. ಒಳ್ಳೆ ಸಿನಿಮಾ ಮಾಡಬೇಕಷ್ಟೆ" ಅಂತ ಮಾತು ಸೇರಿಸುತ್ತಾರೆ.

    ಅದು ಸರಿ, ಮದುವೆ ಯಾವಾಗ ಅಂದರೆ, 'ಸದ್ಯಕ್ಕಂತೂ ಇಲ್ಲಪ್ಪಾ" ಅಂತ ಮಾತು ಮುಗಿಸುತ್ತಾರೆ ಪೂಜಾ.

    Saturday, December 20, 2008, 17:42
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X