ಸದ್ದಿಲ್ಲದೆ ಚಿತ್ರೀಕರಣ ಮುಗಿಸಿದ ‘ಮೌರ್ಯ’ನ ಸುತ್ತ ನಿರೀಕ್ಷೆಗಳು

ಮೌರ್ಯ ನಿಜಕ್ಕೂ ನಿರೀಕ್ಷೆಗಳ ಚಿತ್ರ. ರಾಕ್‌ಲೈನ್‌ ವೆಂಕಟೇಶ್‌ ನಿರ್ಮಾಣದ ಈ ಚಿತ್ರದ ನಿರ್ದೇಶಕ ಎಸ್‌.ನಾರಾ ಯಣ್‌. ಪುನೀತ್‌ ವಿಭಿನ್ನ ಅಭಿನಯದ ಮೌರ್ಯ ಸದ್ಯಕ್ಕೆ ಈ ಮೂರು ಮಂದಿಯ ಸಿನಿ ಮೌಲ್ಯ ಹಾಗೂ ಭವಿಷ್ಯಗಳ ನ್ನು ಕಾಯ ಬೇಕಾಗಿದೆ. ಅಪ್ಪು ಹಾಗೂ ಅಭಿ ಚಿತ್ರಗಳ ನಂತರ ಬಂದ ವೀರ ಕನ್ನಡಿಗ ಬಲವಾಗಿ ನಿಲ್ಲದ ಕಾರಣ ತಕ್ಷಣ ಕ್ಕೊಂದು ಯಶಸ್ಸು ಪುನೀತ್‌ರಾಜ್‌ಕುಮಾರ್‌ಗೆ ಅತ್ಯವಶ್ಯಕವಾಗಿದೆ.

ಅದೇಕೋ ಚಿತ್ರದ ಹೆಸರು 'ಮೌರ್ಯ" ಆದರೂ ಚಿತ್ರೀಕರಣವೆಲ್ಲ ಗುಪ್ತವಾಗಿಯೇ ನಡೆದು, ಗುಪ್ತ್‌ ಗುಪ್ತ್‌ ಆಗಿಯೇ ಮುಗಿದಿದೆ. ಈ ಗುಟ್ಟಿನ ಹಿಂದೆ ವೆಂಕಟೇಶ್‌ ಹೊಸ ಪ್ರಚಾರ ತಂತ್ರ ಬಳಸಿರಬಹುದೇ ಎನ್ನುವ ಗುಮಾನಿ ಗಾಂಧಿನಗರದಲ್ಲಿದೆ.

ಅದೇನೆ ಇದ್ದರೂ ಚಿತ್ರ ಈಗ ಮಾತಿನ ಮನೆಯಲ್ಲಿದೆ. ಭಾವನಾತ್ಮ ಸನ್ನಿವೇಶಗಳು, ಹಾಸ್ಯ, ಹೊಡೆದಾಟ, ಹೋರಾಟ, ಎಲ್ಲಾ ಸ್ಪೆಶಲ್ಲು . ಪುನೀತ್‌ ಅಂತೂ ತುಂಬಾನೇ ರಿಸ್ಕ್‌ ತೆಗೆದುಕೊಂಡು ಅಭಿನಯಿ ಸಿದ್ದಾರೆ ಎನ್ನುತ್ತದೆ ಮೌರ್ಯ ಬಲಗ. ಎಸ್‌. ನಾರಾಯಣ್‌ ಮೊದಲ ಬಾರಿಗೆ ಖಾಕಿ ಬಟ್ಟೆಯಲ್ಲಿ ಕಾಣಿಸಿಕೊಳ್ಳು ತ್ತಿದ್ದಾ ರೆ. ಅದು ಹಾಸ್ಯ ಪಾತ್ರ ಎಂದು ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ. ರಾಕ್‌ಲೈನ್‌ 'ಮೌರ್ಯ" ಬೆಳ್ಳಿತೆರೆಗೆ ಬರಲು ಬಹಳ ದಿನ ಕಾಯಿಸುವುದಿಲ್ಲವಂತೆ.