ಕನ್ನಡದ ಬಾಡಿಗಾರ್ಡ್‌ಗೆ ನವರಸ ನಾಯಕ ಜಗ್ಗೇಶ್

ನವರಸ ನಾಯಕ ಜಗ್ಗೇಶ್ ಅವರ ಮತ್ತೊಂದು ಚಿತ್ರ ಸೆಟ್ಟೇರಿದೆ . ಈ ಚಿತ್ರವನ್ನು ಅವರ ಧರ್ಮಪತ್ನಿ ಪರಿಮಳಾ ಜಗ್ಗೇಶ್ ಹಾಗೂ ಈ ಹಿಂದೆ ಜಗ್ಗೇಶ್ ಜೊತೆ 'ಡಬಲ್ ಡೆಕ್ಕರ್' ಮಾಡಿದ್ದ ನರಸಿಂಹ ಚಿತ್ರವನ್ನು ಜಂಟಿಯಾಗಿ ನಿರ್ಮಿಸುತ್ತಿದ್ದಾರೆ.

ಮಲಯಾಳಂ ಹಿಟ್ ಚಿತ್ರ 'ಬಾಡಿಗಾರ್ಡ್' ರೀಮೇಕ್ ಇದಾಗಿದೆ. ಈ ಚಿತ್ರದ ರೀಮೇಕ್ ಹಕ್ಕುಗಳನ್ನು ದಾಖಲೆ ಬೆಲೆಗೆ ಖರೀದಿಸಿದ್ದಾರೆ ಎಂಬುದು ಗಣಿವರದಿಯಂತೆ ಗಾಂಧಿನಗರದಲ್ಲಿ ಲೀಕಾಗಿದೆ. ದಿಲೀಪ್ ಮತ್ತು ನಯನತಾರಾ ಮೂಲ ಚಿತ್ರದಲ್ಲಿ ಅಭಿನಯಿಸಿದ್ದರು.

ಜಗ್ಗೇಶ್ ಅಭಿನಯಿಸಲಿರುವ ಚಿತ್ರದ ನಾಯಕಿ ಡೈಸಿ ಶಾ. ಈ ಚಿತ್ರಕ್ಕೆ ಆನಂದ್ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. 'ಬಾಡಿಗಾರ್ಡ್' ಚಿತ್ರದ ಕತೆ ಸೂಪರ್ ಆಗಿದೆ ಎಂದು ಜಗ್ಗೇಶ್ ಸಂತಸ ವ್ಯಕ್ತಪಡಿಸಿದ್ದಾರೆ. ಜುಲೈ 21ರಿಂದ ಬೆಂಗಳೂರಿನಲ್ಲಿ ಚಿತ್ರೀಕರಣವೂ ಆರಂಭವಾಗಿದೆ. (ದಟ್ಸ್‌ಕನ್ನಡ ಸಿನಿವಾರ್ತೆ)