ಬೆಳ್ಳಿತೆರೆಗೆ ಸುಧಾ ಬೆಳವಾಡಿ ಪುತ್ರಿ ಸಂಯುಕ್ತ ಬೆಳವಾಡಿ

ಕನ್ನಡ ಚಿತ್ರರಂಗದಲ್ಲಿ 'ಮೇಕಪ್ ನಾಣಿ' ಎಂದೇ ಚಿರಪರಿಚಿತರಾದವರು ಬೆಳವಾಡಿ ನಂಜುಂಡಯ್ಯ ನಾರಾಯಣ. ಈಗ ಇದೇ ಕುಟುಂಬದ ಕುಡಿ ಹಾಗೂ ಪೋಷಕ ನಟಿ ಸುಧಾ ಬೆಳವಾಡಿ ಅವರ ಮಗಳು ಸಂಯುಕ್ತ ಬೆಳವಾಡಿ 'ಲೈಫು ಇಷ್ಟೇನೆ' ಎಂದು ಕನ್ನಡ ಚಿತ್ರರಂಗಕ್ಕೆ ಅಡಿಯಿಟ್ಟಿದ್ದಾರೆ.

ಯೋಗರಾಜ್ ಭಟ್‌ ಬಳಿ ಕೆಲಸ ಮಾಡಿದ ಪವನ್ ಕುಮಾರ್ ಚಿತ್ರದ ನಿರ್ದೇಶಕರು. ಧೂದ್ ಪೇಡ ದಿಗಂತ್ ಚಿತ್ರದ ನಾಯಕ ನಟ. ಯೋಗರಾಜ್ ಭಟ್ಟರ 'ಪಂಚರಂಗಿ' ಚಿತ್ರದಲ್ಲಿ ದಿಗಂತ್‌ ಸಹೋದರನಾಗಿಯೂ ಪವನ್ ನಟಿಸಿದ್ದರು. 'ಲೈಫು ಇಷ್ಟೇನೆ' ಚಿತ್ರ ಪವನ್ ನಿರ್ದೇಶಿಸುತ್ತಿರುವ ಚೊಚ್ಚಲ ಚಿತ್ರ.

ಆಮದು ಬೆಡಗಿಯರ ನಡುವೆ ಅಪ್ಪಟ ಕನ್ನಡತಿಯೊಬ್ಬಳು ಗಾಂಧಿನಗರಕ್ಕೆ ಎಂಟ್ರಿ ಕೊಟ್ಟಿರುವುದು ಸ್ವಾಗತಾರ್ಹ ಬೆಳವಣಿಗೆ. 'ಲೈಫು ಇಷ್ಟೇನೆ' ಚಿತ್ರದ ಮತ್ತೊಬ್ಬ ನಾಯಕಿ ಸಿಂಧು. ಸದ್ಯಕ್ಕೆ ಚಿತ್ರಕತೆ ಕ್ಲೈಮ್ಯಾಕ್ಸ್ ಹಂತದಲ್ಲಿದೆ. ಜಾಕ್ ಮಂಜು ನಿರ್ಮಿಸುತ್ತಿರುವ ಚಿತ್ರಕ್ಕೆ ಮನೋಮೂರ್ತಿ ಅವರ ಸಂಗೀತವಿದೆ. [ಯೋಗರಾಜ್ ಭಟ್]