ಜೇಮ್ಸ್ ಕ್ಯಾಮರೂನ್ ಭೇಟಿ ಮಾಡಿದ ಬೆಳಗಾವಿ ಬ್ಯೂಟಿ ಲಕ್ಷ್ಮಿ ರೈ

ಬೆಳಗಾವಿ ಬ್ಯೂಟಿ ಲಕ್ಷ್ಮಿ ರೈಗೆ ಅಪೂರ್ವ ಅವಕಾಶವೊಂದು ಸಿಕ್ಕಿದೆ. ಹಾಲಿವುಡ್ ಖ್ಯಾತ ನಿರ್ದೇಶಕ ಜೇಮ್ಸ್ ಕ್ಯಾಮರೂನ್ ಅವರನ್ನು ಅಬು ಧಬಿಯಲ್ಲಿ ಭೇಟಿ ಮಾಡಿದ್ದಾರೆ. ಮೊದಲ ಭೇಟಿಯಲ್ಲೇ ಜೇಮ್ಸ್ ಕ್ಯಾಮರೂನ್‌ಗೆ ಲಕ್ಷ್ಮಿ ರೈ ಸಖತ್ ಇಷ್ಟವಾಗಿದ್ದು ಮುಂದಿನ ಚಿತ್ರದಲ್ಲಿ ಅವಕಾಶ ನೀಡುವ ಭರವಸೆಯನ್ನು ನೀಡಿದ್ದಾರಂತೆ.

ಮಲಯಾಳಂ ಚಿತ್ರವೊಂದರ ಚಿತ್ರೀಕರಣಕ್ಕಾಗಿ ಲಕ್ಷ್ಮಿ ರೈ ಅಬು ಧಬಿಗೆ ಹೋಗಿದ್ದರು. ಜೇಮ್ಸ್ ಕ್ಯಾಮರೂನ್ ಅವರನ್ನು ಭೇಟಿ ಮಾಡುವ ಅವಕಾಶ ಇವರ ಚಿತ್ರತಂಡಕ್ಕೆ ಸಿಕ್ಕಿದೆ. ಇಂಟರ್‌ನೆಟ್‌ನಲ್ಲಿ ಲಕ್ಷ್ಮಿ ರೈ ಬಗ್ಗೆ ವಿವರಗಳನ್ನು ತಿಳಿದುಕೊಂಡ ಕ್ಯಾಮರೂನ್ ತನ್ನ ಮುಂದಿನ ಚಿತ್ರದಲ್ಲಿ ಅವಕಾಶ ನೀಡುವುದಾಗಿ ಹೇಳಿದ್ದಾರೆ. ಒಟ್ಟಿನಲ್ಲಿ ರೊಟ್ಟಿ ಜಾರಿ ತುಪ್ಪದಲ್ಲಿ ಬಿದ್ದಂತಾಗಿದೆ ಲಕ್ಷ್ಮಿ ರೈ ಪರಿಸ್ಥಿತಿ.

ಈ ಸಂಬಂಧ ಮಾತುಕತೆ ನಡೆಸಲು ಲಕ್ಷ್ಮಿ ರೈ ಶೀಘ್ರದಲ್ಲೆ ಯುಎಸ್‌ ವಿಮಾನ ಹತ್ತಲಿದ್ದಾರೆ. ನಮ್ಮ ಬೆಳಗಾವಿ ಸುಂದರಿಗೆ ಜೇಮ್ಸ್ ಕ್ಯಾಮರೂನ್ ಚಿತ್ರದಲ್ಲಿ ಅಭಿನಯಿಸುವ ಅವಕಾಶ ಸಿಗಲಿ ಎಂದು ಹಾರೈಸೋಣ. ಹಾಲಿವುಡ್‌ನಲ್ಲಿ ಅವರ ಪಯಣ ಮುದುವರಿಯಲಿ ಎಂಬ ವಿಶ್ವಾಸದೊಂದಿಗೆ.