ಮತ್ತೊಂದು ಮುಂಗಾರು ಮಳೆಯಾದ ಶೈಲೂ ಚಿತ್ರ

ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ 'ಮುಂಗಾರು ಮಳೆ' ಚಿತ್ರದ ಬಳಿಕ ಜೋಗ ಜಲಪಾತ ಮತ್ತಷ್ಟು ಪ್ರವಾಸಿಗರನ್ನು ಸೆಳೆಯುವಂತೆ ಮಾಡಿತ್ತು. ಯೋಗರಾಜ್ ಭಟ್ ನಿರ್ದೇಶನದ ಈ ಚಿತ್ರಕ್ಕೆ ಕೃಷ್ಣ ಅವರ ಕ್ಯಾಮೆರಾ ಕೈಚಳಕ ಮೋಡಿ ಮಾಡಿತ್ತು.

ಈಗ ತೆರೆಕಂಡು ಯಶಸ್ವಿ ಪ್ರದರ್ಶನ ಕಾಣುತ್ತಿರುವ 'ಶೈಲೂ' ಚಿತ್ರವೂ ಅದೇ ರೀತಿಯ ಒಂದು ವಾತಾವರಣವನ್ನು ಸೃಷ್ಟಿಸಿದೆ. 'ಶೈಲೂ' ಚಿತ್ರವನ್ನು ಮುನ್ನಾರ್‌ ರಮಣೀಯ ತಾಣಗಳಲ್ಲಿ ಚಿತ್ರೀಕರಿಸಿರುವುದು ಗೊತ್ತೆ ಇದೆ. ಈ ಚಿತ್ರದಲ್ಲಿ ತೋರಿಸಿರುವ ಅತಿದೊಡ್ಡ ಬಂಡೆಗಲ್ಲು ಈಗ ಪ್ರವಾಸಿಗರ ಮೆಚ್ಚಿನ ತಾಣವಾಗಿದೆ.

ಗಣೇಶ್ ಈ ಬಂಡೆಯ ಅಂಚಿಗೆ ನಿಂತು 'ಶೈಲೂ...' ಎಂದು ಕೂರು ಸನ್ನಿವೇಶವಂತೂ ಮೈನವಿರೇಳಿಸುವಂತಿತ್ತು. ಜಗದೀಶ್ ವಾಲಿ ಅವರ ಅದ್ಭುತ ಕ್ಯಾಮೆರಾ ಕೈಚಳಕ ಪ್ರೇಕ್ಷಕರನ್ನು ಮತ್ತೊಂದು ಲೋಕಕ್ಕೆ ಕರೆದೊಯ್ಯುವಂತಿದೆ. ಚಿತ್ರದ ಪ್ರಮುಖ ಆಕರ್ಷಣೆಯೂ ಇದಾಗಿತ್ತು. ಈಗ ಇದು ಪ್ರವಾಸಿಗರನ್ನು ಅತಿಹೆಚ್ಚು ಸೆಳೆಯುತ್ತಿರುವ ತಾಣವಾಗಿದೆ. (ಏಜೆನ್ಸೀಸ್)