ಮಕ್ಕಳಿಗಾಗಿ ರಮೇಶ್‌ ನಿರ್ದೇಶಕರಾದರು !

ಗಾಂಧಿನಗರದಲ್ಲೊಂದು ಚಿತ್ರ ನಿರ್ದೇಶಿಸುವ ರಮೇಶ್‌ ಆಸೆ ಇನ್ನೂ ಈಡೇರಿಲ್ಲ . ಆದರೆ, ನಿರ್ದೇಶನದ ಆಸೆ ಮಾತ್ರ ಸಿ.ಎಮ್‌.ಸಿ.ಎ. ಮೂಲಕ ಒಂದು ಈಡೇರಿದೆ. ಸಿನಿಡೆಸ್ಕ್‌, ದಟ್ಸ್‌ಕನ್ನಡ'ಮಕ್ಕಳೇ ಬೆಂಗಳೂರನ್ನು ಸ್ವಚ್ಛವಾಗಿಡಿ!'ನಾಳಿನ ಪ್ರಜೆಗಳಾದ ಇಂದಿನ ಮಕ್ಕಳಿಗೆ ನಾಗರಿಕ ಪ್ರಜ್ಞೆ ಮೂಡಿಸುವ ನಿಟ್ಟಿನಲ್ಲಿ ಕನ್ನಡ ಸಿನಿಮಾ ನಟ ರಮೇಶ್‌ ಅರವಿಂದ್‌ ನೀಡಿರುವ ಕರೆಯಿದು. ರಮೇಶ್‌ರ ಈ ಪ್ರಯತ್ನಕ್ಕೆ ಕೈಜೋಡಿಸಿರುವುದು ಭಾರತೀಯ ಕ್ರಿಕೆಟ್‌ ತಂಡದ ಗೋಡೆ- ರಾಹುಲ್‌ ದ್ರಾವಿಡ್‌!

ಮಕ್ಕಳಲ್ಲಿ ಪ್ರಜಾಪ್ರಭುತ್ವದ ಹಕ್ಕುಗಳು-ಕರ್ತವ್ಯಗಳು ಹಾಗೂ ಸಕ್ರಿಯ ಪೌರತ್ವದ ಅರಿವನ್ನು ಮೂಡಿಸುವ ಉದ್ದೇಶದಿಂದ ಸಿ.ಎಮ್‌.ಸಿ.ಎ(ಚಿಲ್ಡನ್ಸ್‌ ಮೂಮೆಂಟ್‌ ಫಾರ್‌ ಸಿವಿಕ್‌ ಅವೇರನೆಸ್‌) ನಿರ್ಮಿಸಿರುವ 'ಹೌದುದು ಸಕ್ರಿಯ ನಾಗರಿಕನಾಗುವುದೇ ನನ್ನ ಇಚ್ಛೆ' (Of course I want to be an active citizen) ಎಂಬ ಮಕ್ಕಳ ಕಿರುಚಿತ್ರದ ಪ್ರದರ್ಶನ ಶುಕ್ರವಾರ (ಆ.20) ಬೆಂಗಳೂರಿನ ಕಬ್ಬನ್‌ ಉದ್ಯಾನದಲ್ಲಿನ ಬಾಲಭವನದಲ್ಲಿ ನಡೆಯಿತು. 20 ನಿಮಿಷದ ಈ ಕಿರುಚಿತ್ರದ ಪರಿಕಲ್ಪನೆ, ಕಥೆ ಹಾಗೂ ನಿರ್ದೇಶನ ರಮೇಶ್‌ ಅವರದು. ನಿರ್ದೇಶಕನಾಗಬೇಕು ಎನ್ನುವ ರಮೇಶ್‌ರ ಆಸೆ ಈ ಕಿರುಚಿತ್ರದ ಮೂಲಕ ಈಡೇರಿದೆ !

ಈ ಕಿರುಚಿತ್ರ ಪ್ರಸಂಗದಲ್ಲಿ ಕ್ರಿಕೆಟಿಗ ದ್ರಾವಿಡ್‌ ಪಾತ್ರವೇನು ಎಂದಿರಾ ? ಆತ ನಟ. ಹೌದು, ದ್ರಾವಿಡ್‌ ಈ ಕಿರುಚಿತ್ರದ ಕೇಂದ್ರಪಾತ್ರದಲ್ಲಿ ನಟಿಸಿದ್ದಾರೆ. ಈ ಕಿರುಚಿತ್ರದ ಮುಖ್ಯ ಉದ್ದೇಶ ಜಗತ್ತಿನಾದ್ಯಂತ ಅನಿಯಂತ್ರಿತ ಅಭ್ಯಾಸದಿಂದ ಕೂಡಿದ ಮತ್ತು ಅಮಾನವೀಯ ಮುಖವಾಡ ಹೊತ್ತ ನಾಗರೀಕರಣದ ಸವಾಲುಗಳನ್ನು ಚಿಣ್ಣರಿಗೆ ಮುಟ್ಟಿಸುವುದು. ಮೂಲಭೂತ ಸೇವಾ ಸೌಕರ್ಯಗಳ ಪೂರೈಕೆಯಲ್ಲಾಗಿರುವ ತೀವ್ರ ಕೊರತೆಯನ್ನು ಮಕ್ಕಳಿಗೆ ತಿಳಿಸುವುದೂ ಈ ಕಿರುಚಿತ್ರದ ಉದ್ದೇಶವಾಗಿದೆ.

ಕಿರುಚಿತ್ರ ಬಿಡುಗಡೆ ಸಮಾರಂಭದಲ್ಲಿ ನಟ ರಮೇಶ ಅರವಿಂದ್‌, ಪಿ.ಎ.ಸಿ.ಅಧ್ಯಕ್ಷ ಪದ್ಮಶ್ರೀ ಸ್ಯಾಮುಯೆಲ್‌ ಪಾಲ್‌ ಹಾಜರಿದ್ದರು. ಮಕ್ಕಳು ಹೆಚ್ಚಿನ ಸಂಖ್ಯೆಯಲ್ಲಿ ಕಿರುಚಿತ್ರ ವೀಕ್ಷಿಸಿದರು. ರಾಹುಲ್‌ದ್ರಾವಿಡ್‌ ಹಾಲೆಂಡಿನಲ್ಲಿ ಕ್ರಿಕೆಟ್‌ ಆಡುತ್ತಿರುವುದರಿಂದ ಅವರು ಕಾರ್ಯಕ್ರಮಕ್ಕೆ ಆ್ಯಬ್ಸೆಂಟ್‌.