ಮುಖಪುಟ

ಸಿನಿ ಸಮಾಚಾರ

ಮಂಗಳೂರ ಮಲ್ಲಿಗೆ ಸ್ನೇಹಾ ಉಲ್ಲಾಳ್ ಇನ್ನೊಂದು ಚಿತ್ರಕ್ಕೆ ಬುಕ್ ಆಗಿದ್ದಾಳೆ. ಮಧು ಬಂಗಾರಪ್ಪನವರ 'ದೇವಿ' ಚಿತ್ರದ ಮೂಲಕ ಕನ್ನಡದಲ್ಲಿ ಮೊದಲ ಹೆಜ್ಜೆ ಇಟ್ಟಿದ್ದರು ಸ್ನೇಹಾ. ಪ್ರಶಾಂತರಾಜ್ ನಿರ್ದೇಶನದ ದಿಲ್‌ಖುಷ್ ಚಿತ್ರದಲ್ಲಿ ಸ್ನೇಹಾ ನಾಯಕಿಯಾಗುವ ಸಾಧ್ಯತೆಗಳು ಹೆಚ್ಚಾಗಿದೆ.

ಈ ಮೊದಲು ಪ್ರಶಾಂತ್ ಚಿರು ಹೀರೋಯಿನ್ ಕೃತಿ ಖರಬಂದಾಳನ್ನು ಬುಕ್ ಮಾಡಿದ್ದರು. ಕಾರಣಾಂತರಗಳಿಂದ ಕೃತಿ ಬದಲು ಆ ಆಸ್ಥಾನವನ್ನು ಸ್ನೇಹಾ ತುಂಬಿದ್ದಾಳೆ. ಈಗಾಗಲೇ ಉಲ್ಲಾಳ್ ಜೊತೆ ಒಂದು ಹಂತದ ಮಾತುಕತೆ ಆಗಿದೆ.

ಏಕಕಾಲದಲ್ಲಿ ದಿಲ್‌ಖುಷ್ ಕನ್ನಡ, ತಮಿಳು ಮತ್ತು ತೆಲುಗಲ್ಲಿ ತೆರೆದುಕೊಳ್ಳುವ ಸಾಧ್ಯತೆ ಇರುವುದರಿಂದ ಪ್ರಶಾಂತ್ ಸ್ನೇಹಾಳನ್ನು ಸಂಪರ್ಕಿಸಿದ್ದಾರೆ ಎಂಬ ಸುದ್ದಿಯೂ ಇದೆ. ಮಂಗಳೂರಿನವಳೇ ಆಗಿರುವ ಸ್ನೇಹಾ ಬಾಲಿವುಡ್‌ನಲ್ಲಿ ಜ್ಯೂನಿಯರ್ ಐಶ್ವರ್ಯಾ ರೈ ಎಂದು ಹೆಸರುಮಾಡಿದ್ದಾಳೆ. ಕಣ್ಣಲ್ಲೇ ಕುಂಟಾಬಿಲ್ಲೆ ಆಡುವ ಈಕೆ ಕಮರ್ಷಿಯಲ್ ಆಗಿ ಕನ್ನಡಿಗರ "ದಿಲ್‌ಖುಷ್" ಮಾಡುತ್ತಾಳಾ?! (ದಟ್ಸ್‌ಕನ್ನಡ ಸಿನಿವಾರ್ತೆ)