ಮುಖಪುಟ

ಸಿನಿ ಸಮಾಚಾರ

ಬರೋಬ್ಬರಿ ಐದು ವರ್ಷಗಳ ಬಳಿಕ ತುಂಬುಗೆನ್ನೆ ನಟಿ ಚಾರ್ಮಿ ಕೌರ್ ಕನ್ನಡಕ್ಕೆ ಮರಳಿದ್ದಾರೆ. ಈ ಹಿಂದೆ ಆಕೆ ಉಪೇಂದ್ರ, ಶಿವರಾಜ್ ಕುಮಾರ್ ಮುಖ್ಯಭೂಮಿಕೆಯಲ್ಲಿದ್ದ ಲವ ಕುಶ ಚಿತ್ರದಲ್ಲಿ ಅಭಿನಯಿದ್ದರು. ಈಗ ಮತ್ತೊಮ್ಮೆ ಆಕೆಯನ್ನು ಕನ್ನಡಕ್ಕೆ ಕರೆತರುತ್ತಿದ್ದಾರೆ ನಿರ್ದೇಶಕ ಇಂದ್ರಜಿತ್ ಲಂಕೇಶ್.

ಡಿಂಪಲ್ ಸ್ಟಾರ್ ದಿಗಂತ್ ನಾಯಕ ನಟನಾಗಿರುವ ಈ ಚಿತ್ರದ ಶೀರ್ಷಿಕೆ ದೇವ್ ಸನ್ ಆಫ್ ಮುದ್ದೇಗೌಡ. ಹದಿನಾರನೇ ವಯಸ್ಸಿಗೆ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ತಾರೆ ಚಾರ್ಮಿ. ಈಗ ಆಕೆಯ ವಯಸ್ಸು ಇಪ್ಪತ್ತೊಂಬತ್ತು ವರ್ಷ.

ಈ ಹಿಂದೆ ಇಂದ್ರಜಿತ್ ಲಂಕೇಶ್ ನಿರ್ದೇಶನದ ಹುಡುಗ ಹುಡುಗಿ ನಿರೀಕ್ಷಿಸಿದ ಮಟ್ಟಿಗೆ ಯಶಸ್ವಿಯಾಗಲಿಲ್ಲ. ಈಗ ಅಭಿನಯಕ್ಕೆ ಒತ್ತು ನೀಡುವ ಚಿತ್ರಕತೆಯನ್ನು ಕೈಗೆತ್ತಿಕೊಂಡಿದ್ದಾರೆ. ದಿಗಂತ್ ಜೊತೆ ಇದುವರೆಗೂ ಅಭಿನಯಿಸದ ತಾರೆಯನ್ನು ಚಿತ್ರಕ್ಕೆ ಆಯ್ಕೆ ಮಾಡಿಕೊಂಡಿರುವುದು ವಿಶೇಷ. (ಒನ್‌ಇಂಡಿಯಾ ಕನ್ನಡ)