ಬೀದರ್‌ನಲ್ಲಿ ಜಾನೂ ಜೊತೆ ದೀಪಾ ಸನ್ನಿಧಿ

ನಟಿ ದೀಪಾ ಸನ್ನಿಧಿಗೆ ಅದೃಷ್ಟ ದೇವತೆ ಕೈಹಿಡಿದಿದೆ. ಆಕೆ ಅಭಿನಯದ ಎರಡು ಚಿತ್ರಗಳು ಬಾಕ್ಸಾಫೀಸಲ್ಲಿ ಭರ್ಜರಿ ಹಿಟ್ ದಾಖಲಿಸಿವೆ. 'ಸಾರಥಿ' ಹಾಗೂ 'ಪರಮಾತ್ಮ' ಚಿತ್ರಗಳ ಗೆಲುವು ದೀಪಾ ಸನ್ನಿಧಿಯನ್ನು ಅಂಬರಕ್ಕೇರಿಸಿದೆ.

ಇದೇ ಖುಷಿಯಲ್ಲಿ ದೀಪಾ ಸನ್ನಿಧಿ ಸಹಿ ಹಾಕಿರುವ ಮತ್ತೊಂದು ಚಿತ್ರ 'ಜಾನೂ'. ಈ ಚಿತ್ರದ ಪ್ರಥಮ ಹಂತದ ಚಿತ್ರೀಕರಣ ಮುಗಿದಿದೆ. ಹಾಸನ ಜಿಲ್ಲೆಯ ಸಕಲೇಶಪುರದ ಸುಂದರ ತಾಣಗಳಲ್ಲಿ ಈ ಚಿತ್ರವನ್ನು ಚಿತ್ರೀಕರಿಸಲಾಗಿದೆ.

ಎರಡನೇ ಹಂತದ ಚಿತ್ರೀಕರಣ 35 ದಿನಗಳ ಕಾಲ ಬೀದರ್, ಗುಲ್ಬರ್ಗ, ಸುರಪುರದಲ್ಲಿ ನಡೆಯಲಿದೆ. ಈ ಚಿತ್ರದ ನಾಯಕ ನಟ ಯಶ್. ಚಿತ್ರದ ಉಳಿದ ಪಾತ್ರವರ್ಗದಲ್ಲಿ ರಂಗಾಯಣ ರಘು, ಸಾಧುಕೋಕಿಲ, ಶೋಭಾರಾಜ್ ಮುಂತಾದವರಿದ್ದಾರೆ. ನಿರ್ದೇಶನ ಪ್ರೀತಂ ಗುಬ್ಬಿ. (ಒನ್‍ಇಂಡಿಯಾ ಕನ್ನಡ)