ಗೋಲ್ಡನ್ ಸ್ಟಾರ್ ಜೊತೆ ಸಕ್ಕರೆ ಹಂಚಿಕೊಂಡ ರಾಧಿಕಾ

ಯುಗಾದಿ ಹಬ್ಬಕ್ಕೆ ಮುನ್ನವೇ ಗೋಲ್ಡನ್ ಸ್ಟಾರ್ ಗಣೇಶ್ ಸಕ್ಕರೆ ಸುದ್ದಿ ಕೊಟ್ಟಿದ್ದಾರೆ. ಈ ಬಾರಿ ಅವರು ಸಿಹಿ ಹಂಚಿಕೊಳ್ಳುತ್ತಿರುವುದು ಪ್ರತಿಭಾನ್ವಿತ ತಾರೆ ರಾಧಿಕಾ ಪಂಡಿತ್ ಜೊತೆ. ಬಿ ಸುರೇಶ್ ನಿರ್ದೇಶಿಸಲಿರುವ ಚಿತ್ರಕ್ಕೆ ಸದ್ಯಕ್ಕೆ ಸಕ್ಕರೆ ಎಂದು ಹೆಸರಿಡಲಾಗಿದೆ. ಈ ಶೀರ್ಷಿಕೆ ಬದಲಾದರೂ ಆಗಬಹುದು.

ಯೋಗರಾಜ್ ಭಟ್ ಅವರ ಡ್ರಾಮಾ ಚಿತ್ರದಲ್ಲಿ ಬಿಜಿಯಾಗಿರುವ ರಾಧಿಕಾ ಪಂಡಿತ್ ಅದಾದ ಬಳಿಕಷ್ಟೇ ಸಕ್ಕರೆ ಮೆಲ್ಲಲಿದ್ದಾರೆ. ಸದ್ಯಕ್ಕೆ ಡ್ರಾಮಾ ಚಿತ್ರೀಕರಣ ಮೈಸೂರಿನಲ್ಲಿ ಭರದಿಂದ ಸಾಗಿದೆ. ಅಂದಹಾಗೆ ಸಕ್ಕರೆ ಚಿತ್ರದ ಕತೆ ಚಿತ್ರಕತೆ ಅಭಯ್ ಸಿಂಹ ಅವರದು.

ಚಿತ್ರದಲ್ಲಿ ಒಟ್ಟು ಐದು ಹಾಡುಗಳಿದ್ದು ಎಲ್ಲವನ್ನೂ ಯೋಗರಾಜ್ ಭಟ್ ಬರೆದಿರುವುದು ವಿಶೇಷ. ವಿ ಹರಿಕೃಷ್ಣ ಅವರ ಸಂಗೀತವಿರುವ ಚಿತ್ರ ಮೇ.14ರಂದು ಸೆಟ್ಟೇರಲಿದೆ. ಒಟ್ಟಿನಲ್ಲಿ ಗೋಲ್ಡನ್ ಸ್ಟಾರ್‌ಗೆ ಒಳ್ಳೆಯ ತಾಂತ್ರಿಕ ಬಳಗದ ಜೊತೆ ಕೆಲಸ ಮಾಡುವ ಚಾನ್ಸ್ ಸಿಕ್ಕಿದೆ. (ಏಜೆನ್ಸೀಸ್)