ಸರ್ಕಸ್ ಚಿತ್ರದ ಹಾಡು ಪಿಸುಮಾತು ಆದಾಗ

By Staff

| Published: Monday, December 22, 2008, 12:17 [IST]

ಗೋಲ್ಡನ್ ಸ್ಟಾರ್ ಗಣೇಶ್ ಅವರ 'ಸರ್ಕಸ್' ಚಿತ್ರದ ಜನಪ್ರಿಯ ಗೀತೆ ಚಿತ್ರದ ಶೀರ್ಷಿಕೆಯಾಗುತ್ತಿದೆ. ಸೋನು ನಿಗಂ ಹಾಡಿರುವ ಸರ್ಕಸ್ ಚಿತ್ರದ 'ಪಿಸುಗುಡಲೆ...' ಹಾಡು 'ಪಿಸುಮಾತು' ಆಗುತ್ತಿದೆ.

ನಿರ್ದೇಶಕ ಯೋಗರಾಜ್ ಭಟ್ ಬರೆದಿರುವ ಈ ಗೀತೆಯನ್ನು ಸೋನು ನಿಗಂ ಜೊತೆ ನರೇಶ್ ಅಯ್ಯರ್ ಹಾಡಿದ್ದರು. ಈಗ ಆ ಗೀತೆ ಚಿತ್ರಕ್ಕೆ ಶೀರ್ಷಿಕೆಯಾಗಿದೆ. 'ನಿಷೇಧಾಜ್ಞೆ' ಚಿತ್ರದ ನಿರ್ದೇಶಕ ಪದ್ಮನಾಭ ಈ ಚಿತ್ರವನ್ನು ಶ್ರೀರಾಮ ಮೂರ್ತಿ ಪಿಕ್ಚರ್ಸ್ ಸಂಸ್ಥೆಗಾಗಿ ನಿರ್ದೇಶಿಸುತ್ತ್ತಿದ್ದಾರೆ. ಅಶ್ವತ್ಥ ನಾರಾಯಣ ಮತ್ತು ಬಿಕೆ ರಾಮಣ್ಣ ಅವರು 'ಪಿಸುಮತು' ಚಿತ್ರದ ನಿರ್ಮಾಪಕರು.

ಅಭಿಮಾನ್ ಸಂಗೀತ ಸಂಯೋಜನೆಯ ಆರು ಹಾಡುಗಳು ಪಿಸುಮಾತಿನಲ್ಲಿವೆ. ಜನವರಿ 2, 2009ರಂದು ಈ ಚಿತ್ರ ಸೆಟ್ಟೇರಲಿದೆ. ಬೆಂಗಳೂರು, ಉಡುಪಿ ಸೇರಿದಂತೆ ರಾಜ್ಯದ ವಿವಿಧ ತಾಣಗಳಲ್ಲಿ ಚಿತ್ರೀಕರಣ ನಡೆಯಲಿದೆ. ಎರಡು ಹಾಡುಗಳನ್ನು ವಿದೇಶದಲ್ಲೂ ಚಿತ್ರೀಕರಿಸಲಾಗುತ್ತದೆ. ಈ ಚಿತ್ರದ ಮೂಲಕ ಮಾರುತಿ ಮತ್ತು ಶ್ರೀಹರ್ಷರನ್ನು ಪರಿಚಯಿಸಲಾಗುತ್ತಿದೆ.

(ದಟ್ಸ್ ಕನ್ನಡ ಚಿತ್ರವಾರ್ತೆ)
'ಸರ್ಕಸ್ 'ಗಾಗಿ ಗಣೇಶ್ ರ ಮೈನವಿರೇಳಿಸುವ ಸಾಹಸ