ಬಾಣಂತಿ ಐಶ್ವರ್ಯ ರೈ ಅಸಲಿ ಫೋಟೋ ಇದು

ಹಸಿ ಬಾಣಂತಿ ಐಶ್ವರ್ಯ ರೈ ಹಾಗೂ ಆಕೆಯ ಮಗುವಿನ ಫೋಟೋವನ್ನು ಒನ್‌ಇಂಡಿಯಾ ಕನ್ನಡ ಪ್ರಕಟಿಸಿತ್ತು. ಫೇಸ್‌ಬುಕ್‌ನಲ್ಲಿ ಸರಿದಾಡುತ್ತಿದ್ದ ಈ ಫೋಟೋ ಅಸಲಿಯಲ್ಲ ನಕಲಿ ಎಂಬುದನ್ನೂ ಸ್ಪಷ್ಟಪಡಿಸಿತ್ತು. ಈ ಬಗ್ಗೆ ಅಮಿತಾಬ್ ಕೂಡ ಟ್ವೀಟಿಸಿದ್ದರು.

ಅಂತರ್ಜಾಲದಲ್ಲಿ ಸರಿದಾಡುತ್ತಿರುವ ಐಶ್ವರ್ಯ ರೈ ಹಾಗೂ ಆಕೆಯ ಮಗುವಿನ ಫೋಟೋ ಅಸಲಿಯಲ್ಲ ನಕಲಿ ಎಂದು ಬಿಗ್ ಬಿ ಸ್ಪಷ್ಟಪಡಿಸಿದ್ದರು. ಆದರೆ ಈಗ ಅಸಲಿ ಫೋಟೋವೊಂದು ಅಂತರ್ಜಾಲದಲ್ಲಿ ತೇಲಾಡುತ್ತಿದೆ. ಈ ಫೋಟೋ ನೋಡಿದರೆ ಗ್ರಾಫಿಕ್ ಕಲಾವಿದರ ಕೈಚಳಕ ಇಲ್ಲ ಅನ್ನಿಸುತ್ತದೆ.

ಮಗು ಪ್ರಸವಿಸಿದ ಒಂದೆರಡು ದಿನಗಳ ಬಳಿಕ ಈ ಫೋಟೋವನ್ನು ತೆಗೆಯಲಾಗಿದೆ ಅನ್ನಿಸುತ್ತದೆ. ಐಶ್ವರ್ಯ ರೈ ಕೈಗೆ ಹಾಕಿರುವ ಡ್ರಿಪ್ಸ್ ಹಾಗೂ ಪ್ಲಾಸ್ಟರನ್ನು ಚಿತ್ರದಲ್ಲಿ ಕಾಣಬಹುದು. ಚಿತ್ರದಲ್ಲಿ ಐಶ್ವರ್ಯ ರೈ ಬೆಕ್ಕಿನ ಕಣ್ಣುಗಳು ಫಳಫಳ ಎಂದು ಹೊಳೆಯುತ್ತಿವೆ. ಆದರೂ ಈ ಫೋಟೋ ಅಧಿಕೃತವಾಗಿ ಐಶ್ವರ್ಯ ರೈ ಅವರದೇ ಎಂದು ಎದೆಮುಟ್ಟಿ ಹೇಳುವಂತಿಲ್ಲ! (ಒನ್‍ಇಂಡಿಯಾ ಕನ್ನಡ)